ਕਿਤੇ ਇਸ਼ਕ ਨਾ ਹੋ ਜਾਵੇ, ਸੁਪਨੇ ਵਿਚ ਆਵੀਂ ਨਾਂ

ਜਦੋਂ ਨਾਮ ਤੇਰਾ ਬੋਲਾਂ, ਸੱਜਣਾ ਸ਼ਰਮਾਵੀਂ ਨਾਂ
ਕਿਤੇ ਇਸ਼ਕ ਨਾ ਹੋ ਜਾਵੇ, ਸੁਪਨੇ ਵਿਚ ਆਵੀਂ ਨਾਂ

ਕੁਦਰਤ ਦੇ ਬਾਗਾਂ ਦਾ, ਤੂੰ ਐਸਾ ਫੁੱਲ ਸੱਜਣਾਂ
ਖੁਦ ਕੁਦਰਤ ਵੀ ਲੈ ਨਹੀਂ ਜਿਹਨੂ ਸਕਦੀ ਮੁੱਲ ਸੱਜਣਾਂ
ਲੱਖ ਮੌਸਮ ਬਦਲਣਗੇ, ਪਰ ਤੂੰ ਮੁਰਝਾਵੀਂ ਨਾਂ
ਕਿਤੇ ਇਸ਼ਕ ਨਾ ਹੋ ਜਾਵੇ, ਸੁਪਨੇ ਵਿਚ ਆਵੀਂ ਨਾਂ

ਤੇਰੇ ਵੱਲ ਦੌੜ ਪਏ, ਭੌਰੇ ਫੁੱਲ ਛੱਡਕੇ ਨੀ
ਕੱਲ ਕਾਲਿਜ ਆਈ ਸੀ ਜਦ ਟੌਹਰ ਜਿਹਾ ਕੱਡਕੇ ਨੀ
ਫੁੱਲ ਗੁੱਸੇ ਹੋ ਜਾਣਗੇ ਬਾਗਾਂ ਵੱਲ ਜਾਵੀਂ ਨਾ
ਕਿਤੇ ਇਸ਼ਕ ਨਾ ਹੋ ਜਾਵੇ, ਸੁਪਨੇ ਵਿਚ ਆਵੀਂ ਨਾਂ

ਮੈਂ ਸੁਣਿਐ ਕੱਲਾ ਬਹਿ, ਓਹ ਗਾਣੇ ਲਿਖਦਾ ਏ
ਕੁਜ ਸਮਝ ਨਾ ਔਂਦੀ ਕੀ ਰੱਬ ਜਾਣੇ ਲਿਖਦਾ ਏ
ਜਾ ਫੜ ਲ ਹੱਥ ਉਹਦਾ. ਮਗਰੋਂ ਪਛਤਾਵੀਂ ਨਾਂ
ਕਿਤੇ ਇਸ਼ਕ ਨਾ ਹੋ ਜਾਵੇ, ਸੁਪਨੇ ਵਿਚ ਆਵੀਂ ਨਾਂ

ਬੜਾ ਜੈਲ ਦਾਰ ਚੰਦਰਾ, ਤੇਰੇ ਤੇ ਈ ਬਸ ਮਰਦਾ
ਪਰ ਦਿਲ ਦੀ ਗੱਲ ਤੈਨੂ ਦੱਸਣੇ ਤੋ ਹੈ ਡਰਦਾ
ਕਿਤੇ ਮਰ ਹੀ ਨਾ ਜਾਵੇ, ਤੂੰ ਮੁੱਖ ਪਰਤਾਵੀਂ ਨਾਂ
ਕਿਤੇ ਇਸ਼ਕ ਨਾ ਹੋ ਜਾਵੇ, ਸੁਪਨੇ ਵਿਚ ਆਵੀਂ ਨਾਂ