ਜੇ ਮੈਂ ਕੁਜ ਬੋਲ ਵੀ ਦੇਵਾਂ ਤਾ ਫਿਰ ਪਚਣਾ ਨਹੀ ਯਾਰੋ

ਜੇ ਮੈਂ ਕੁਜ ਬੋਲ ਵੀ ਦੇਵਾਂ ਤਾ ਫਿਰ ਪਚਣਾ ਨਹੀ ਯਾਰੋ
ਬਿਨਾ ਕੁਜ ਬੋਲਿਆਂ ਮੈਨੂ ਵੀ ਕੁਜ ਬਚਨਾ ਨਹੀ ਯਾਰੋ
ਏਨਾ ਨਜ਼ਰਾਂ ਨੇ ਤੱਕਿਆ ਹੈ ਬੜੀ ਦੁਨੀਆ ਕਮੀਨੀ ਏ
ਬਿਨਾ ਜਜ਼ਬਾਤ ਤੋਂ ਜ਼ਿੰਦਾ ਏ ਹਰ ਆਦਮ ਮਸ਼ੀਨੀ ਏ

ਬੁਰੀ ਇਹ ਮਾਰ ਲੇਖਾਂ ਦੀ, ਕਿਵੇਂ ਦੱਸ ਜਰ ਲਏਂਗਾ ਤੂੰ
ਰੱਬ ਜੇ ਆ ਗਿਆ ਆਪਣੀ ਆਈ ਕੀ ਕਰ ਲਏਂਗਾ ਤੂੰ
ਬੜਾ ਇਨ੍ਸਾਨ ਪੱਥਰ ਦਿਲ ਸਮਾਂ ਏ ਆਪ ਦੱਸਦਾ ਏ
ਨਾ ਅੱਖਾਂ ਚੋਂ ਹੀ ਹੰਜ ਕਿਰਦੇ ਮਕਾਣਾਂ ਤੇ ਵੀ ਹੱਸਦਾ ਏ

ਨਸ਼ੇ ਤਿਆਗੋ ਹੁਣ ਤੇ ਜਾਗੋ ਕੁਜ ਤੇ ਸੋਚ ਵਿਚਾਰ ਕਰੋ

ਸ਼ਹੀਦ-ਏ-ਆਜ਼ਮ ਦੇ ਸਨਮਾਨ ਵਿਚ ਜੈਲਦਾਰ ਪਰਗਟ ਸਿੰਘ ਵੱਲੋਂ ਲੋਕ ਹਿਤ ਚ ਜਾਰੀ

ਨਸ਼ੇ ਤਿਆਗੋ ਹੁਣ ਤੇ ਜਾਗੋ ਕੁਜ ਤੇ ਸੋਚ ਵਿਚਾਰ ਕਰੋ

ਬਾਪੂ ਮਰ ਗਿਆ ਵੱਟਾਂ ਉੱਤੇ
ਧਰਤ ਵੇਚ੍ਤੀ ਹੱਟਾਂ ਉੱਤੇ
ਖਰਚ ਸ਼ਰਾਬ ਦੇ ਮੱਟਾਂ ਉੱਤੇ
ਮਾਣ ਕਰਾਂ ਕਿੰਜ ਪੱਟਾਂ ਉੱਤੇ
ਇੰਜ ਨਾ ਮੇਰੇ ਯਾਰ ਕਰੋ
ਨਸ਼ੇ ਤਿਆਗੋ ਹੁਣ ਤੇ ਜਾਗੋ ਕੁਜ ਤੇ ਸੋਚ ਵਿਚਾਰ ਕਰੋ

ਇੱਕ ਵਾਰੀਂ ਜੇ ਹੋਸ਼ ਕਰ ਲਵੋ
ਫਿਰ ਤੋ ਕੱਠਾ ਜੋਸ਼ ਕਰ ਲਵੋ
ਦੁਨੀਆ ਨੂ ਖਾਮੋਸ਼ ਕਰ ਲਵੋ
ਬੜਕ ਮਾਰੋ ਬੇਹੋਸ਼ ਕਰ ਲਵੋ
ਜ਼ਿੰਦਗੀ ਦੇ ਨਾਲ ਪਿਆਰ ਕਰੋ
ਨਸ਼ੇ ਤਿਆਗੋ ਹੁਣ ਤੇ ਜਾਗੋ ਕੁਜ ਤੇ ਸੋਚ ਵਿਚਾਰ ਕਰੋ

ਮੈਂ ਨਹੀ ਕਹਿੰਦਾ ਐਸ਼ ਕਰੋ ਨਾ
ਵੀਜ਼ੇ ਦੀ ਫਰਮੈਸ਼ ਕਰੋ ਨਾ
ਪਰ ਦਿਨ ਦੀਵੀਂ ਜੋ ਜਾਂਦੇ ਘਟਦੇ
ਖੇਤਾਂ ਦੀ ਪਮੈਸ਼ ਕਰੋ ਨਾ
ਮਿਹਨਤ ਨਾਲ ਹੱਥ ਚਾਰ ਕਰੋ
ਨਸ਼ੇ ਤਿਆਗੋ ਹੁਣ ਤੇ ਜਾਗੋ ਕੁਜ ਤੇ ਸੋਚ ਵਿਚਾਰ ਕਰੋ

ਕਿੱਥੇ ਗਈ ਓ ਜਾਣ ਕਸੂਤੀ
ਯਾਦ ਕਰੋ ਮੰਡੀਰ ਜੀ ਊਤੀ
ਸੱਜਾ ਹੱਥ ਬੰਪਰ ਤੇ ਪਾ ਕੇ
ਚੁੱਕ ਦਿੰਦੇ ਸੀ ਕਾਰ ਮਰੂਤੀ
ਤੇਜ਼ ਜ਼ਰਾ ਤਲਵਾਰ ਕਰੋ
ਨਸ਼ੇ ਤਿਆਗੋ ਹੁਣ ਤੇ ਜਾਗੋ ਕੁਜ ਤੇ ਸੋਚ ਵਿਚਾਰ ਕਰੋ

ਜੈਲਦਾਰ ਵੀ ਹੌਕੇ ਭਰਦਾ
ਲਿਖ ਲਿਖ ਵਰਕੇ ਕਾਲੇ ਕਰਦਾ
ਕਹੇ ਬਿਨਾ ਵੀ ਤੇ ਨੀ ਸਰਦਾ
ਕੁਜ ਤੇ ਫਿਕਰ ਕਰੋ ਹੁਣ ਘਰ੍ਦਾ
ਗਫ੍ਲਤ ਵਾਲਾ ਲਾਹੋ ਪਰਦਾ
ਕੱਮ ਕੀਤੇ ਬਿਨ ਕਦੇ ਨੀ ਸਰਦਾ
ਮੁੜ ਕੱਠਾ ਪਰਵਾਰ ਕਰੋ
ਨਸ਼ੇ ਤਿਆਗੋ ਹੁਣ ਤੇ ਜਾਗੋ ਕੁਜ ਤੇ ਸੋਚ ਵਿਚਾਰ ਕਰੋ

ਚੱਲ ਅੱਜ ਏਥੇ ਹੁਣ ਹੀ, ਮੁਕਾ ਦਈਏ ਕਹਾਣੀ

ਸੰਗਦਿਲ ਸਨਮ ਕੇ ਅੱਜ ਮੈਂ ਵੇਖੀ ਤੇਰੀ ਸ਼ੈਤਾਨੀ
ਕਿਓਂ ਪੁਛਿਆ ਹਾਲ ਮੇਰਾ ਕਿਸੇ ਹੋਰ ਦੀ ਜ਼ੁਬਾਨੀ

ਤੇਰੀ ਜ਼ੁੱਲਫ ਖੁੱਲੀ ਦੱਸਦੀ ਜੋ ਰਾਜ਼ ਤੂ ਲਕੋਇਆ
ਤੇਰੇ ਨੈਣਾਂ ਦੇ ਬੱਦਲ ਚੋ ਜੋ ਵਰ੍ਹ ਚੁੱਕਾ ਹੈ ਪਾਣੀ

ਜਦ ਨਾਮ ਸੁਣ ਕੇ ਮੇਰਾ ਤੂੰ ਵੀ ਉੱਛਲ ਸੀ ਪੈਂਦੀ
ਕਲ ਹੀ ਦੀ ਹੈ ਏ ਘਟਨਾ ਕੋਈ ਗਲ ਨਹੀ ਪੁਰਾਣੀ

ਜਦ ਓਹ ਖਫਾ ਹੋਈ ਸੀ ਮੈਂ ਵੀ ਨਹੀ ਮਨਾਇਆ
ਚਲ ਓ ਹੀ ਗਲ ਸਮਝਦੀ, ਏਨੀ ਨਹੀਂ ਸਿਆਣੀ

ਚਲ ਮੈਂ ਵੀ ਕਹਿ ਦਵਾਂਗਾ,  ਤੂੰ ਗੈਰ ਹੋ ਗਈ ਏ
ਤੂੰ ਵੀ ਨਾ ਪਹਿਲਾਂ ਵਾਂਗਰ ਮੈਨੂ ਭੀੜ ਚੋਂ ਪਛਾਣੀ

ਤੇਰੇ ਪਿਛੇ ਹੁਣ ਹੋਰ ਨੀ ਜੈਲੀ ਨੇ ਹੋਣਾ ਖੱਜਲ
ਚੱਲ ਅੱਜ ਏਥੇ ਹੁਣ ਹੀ, ਮੁਕਾ ਦਈਏ ਕਹਾਣੀ

.ਲੋਕ ਦੀਵਾਨੇ ਤੇ ਜੈਲੀ ਜਹੇ ਸ਼ਰਾਬੀ ਬਣ ਗਏ

ਬਣਦੇ ਬਣਦੇ ਗ਼ਜ਼ਲਗੋ ਕਿਰ੍ਮ-ਏ-ਕਿਤਾਬੀ ਬਣ ਗਏ 
.....ਹੁਣ ਹੋ ਰਹੀ ਦੁਰੁਸ੍ਤ ਨਾ ਐਸੀ ਖਰਾਬੀ ਬਣ ਗਏ

ਵੇਖੋ ਦਹਿਸ਼ਤਾਂ ਫੈਲੌਨ ਸਾਡੇ ਹੀ ਗੁਆਂਡੀ ਆ ਗਏ
.ਕੁਜ ਇਸਾਈ ਬਣ ਗਏ, ਕੁਜ ਪੰਜਾਬੀ ਬਣ ਗਏ

ਕਲ ਰਾਤ ਨੇ ਸ਼ਬਨਮ ਖਿਲਾਰੀ ਬਾਗ ਤੇ ਮੈਂ ਵੇਖਿਆ
ਸੁੱਕ ਰਹੇ ਕੁਜ ਫੁੱਲ ਮੁੜਕੇ ਫਿਰ ਗੁਲਾਬੀ ਬਣ ਗਏ

ਹੁਣ ਧੜਕਨਾਂ ਤੇ ਸਾਹਾਂ ਨੂ ਵੀ ਪੋਟਿਆਂ ਤੇ ਗਿਣ ਰਹੇ
ਪਿਆਰ ਜਦ ਦਾ ਹੋ ਗਿਆ ਬਾਹਲੇ ਹਿਸਾਬੀ ਬਣ ਗਏ

ਨੈਣ ਤੇਰੇ ਮੈਕਦੇ ਜਦ ਦਿਨ ਚੜੇ ਹੀ ਖੁੱਲ ਗਏ
.ਲੋਕ ਦੀਵਾਨੇ ਤੇ ਜੈਲੀ ਜਹੇ ਸ਼ਰਾਬੀ ਬਣ ਗਏ

ਕਿ ਜੈਲਦਾਰ ਭੀ ਤੋ ਤੰਗ ਹੈ ਮਹਿੰਗਾਈ ਸੇ

....ਐ ਸਮੰਦਰ ਦੇਖ ਨਾ ਮੁਝੇ ਆਤਤਾਈ ਸੇ
ਮੇਰੀ ਪਿਆਸ ਬੜੀ ਹੈ ਤੇਰੀ ਗਹਿਰਾਈ ਸੇ

ਸਾਰੇ ਬਾਦਲ ਕਿਓਂ ਹੋ ਗਏ ਹੈਂ ਸ਼ੁਦਾਈ ਸੇ
ਹੜਕਂਪ ਮਚ ਗਯਾ ਹੈਂ ਆਂਖ ਭਰ ਆਈ ਸੇ

ਲਾਸ਼ ਮੇਰੀ ਲੇ ਜਾ ਪਰ ਕਹਿਨਾ ਕਸਾਈ ਸੇ
ਕਿ ਦਿਲ ਕੋ ਬਸ ਕਾਟੇ ਜ਼ਰਾ ਨਰਮਾਈ ਸੇ

ਵੋ ਮਹਲ ਬਨ ਰਹਾ ਹੈ ਪਾਪੋਂ ਕੀ ਕਮਾਈ ਸੇ
ਖੁਦਾ ਬਚਾਏ ਇਸ ਤਰਹ ਕੀ ਰਹਿਨੁਮਾਈ ਸੇ

ਤੁਝੇ ਗਿਲਾ ਹੈ ਕਿਓਂ ਮੇਰੀ ਮਿਸ ਕਾਲ ਆਈ ਸੇ
ਕਿ ਜੈਲਦਾਰ ਭੀ ਤੋ ਤੰਗ ਹੈ ਮਹਿੰਗਾਈ ਸੇ

ਕਿੰਜ ਅਣਖ ਸਾਡੀ ਨੂ ਮਾਪੇਂਗਾ ਤੂ, ਜਿਹਦੇ ਕੋਹ ਕੋਹ ਤੇ ਝੰਡੇ ਗੱਡੇ ਨੇ

ਕਿੰਜ ਅਣਖ ਸਾਡੀ ਨੂ ਮਾਪੇਂਗਾ ਤੂ,
ਜਿਹਦੇ ਕੋਹ ਕੋਹ ਤੇ ਝੰਡੇ ਗੱਡੇ ਨੇ
ਤੇਰੀ ਸੋਚ ਦਾ ਪੈਮਾਨਾ ਛੋਟਾ ਏ,
ਤੇ ਹੌਸ੍ਲੇ ਸਾਡੇ ਬਹੁਤ ਵੱਡੇ ਨੇ

ਸਾਨੂ ਮੌਤ ਡਰਾਵਾ ਪਾ ਸਕਦੀ ਨਹੀਂ
ਅਸੀਂ ਲਂਡਨ ਜਾ ਜਾ ਫਾਇਰ ਛੱਡੇ ਨੇ
ਅਸੀਂ ਅੱਗੇ ਲਾ ਕੇ ਡੰਗਰਾਂ ਵਾਂਗੂ
ਗੋਰੇ ਹਿੰਦ ਚੋਂ ਬਾਹਰ ਕੱਡੇ ਨੇ .... ਜੈਲਦਾਰ  ਪਰਗਟ ਸਿੰਘ

ਆ ਤੈਨੂ ਦੱਸਾਂ ਜ਼ੈਲਦਾਰ ਕੀ ਕੀ ਏ

ਬਾਰੂਦ, ਭਾਂਬੜ, ਅੰਗਾਰ ਕੀ ਕੀ ਏ
ਤੂੰ ਕੀ ਜਾਣੇ ਤੇਰਾ ਯਾਰ ਕੀ ਕੀ ਏ

ਤੀਰ, ਸ਼ਮਸ਼ੀਰ, ਤਲਵਾਰ ਕੀ ਕੀ ਏ
ਏ ਨਾ ਦੱਸ ਤੇਕੋ ਹਥਿਆਰ ਕੀ ਕੀ ਏ

ਜ਼ਮੀਰ, ਜ਼ਬਾਨ, ਕਰਾਰ ਕੀ ਕੀ ਏ
ਵਿਕਦਾ ਬੰਦਿਆਂ ਦੇ ਬਜ਼ਾਰ ਕੀ ਕੀ ਏ

ਝੂਠਾ, ਫਰੇਬੀ, ਮੱਕਾਰ ਕੀ ਕੀ ਏ
ਸਮਝ ਨਹੀ ਔਂਦੀ ਸੰਸਾਰ ਕੀ ਕੀ ਏ

ਪੰਛੀ, ਪਹਾੜ, ਬਯਾਰ ਕੀ ਕੀ ਏ
ਵੇਖੋ ਪਰਵਰਦੀਗਾਰ ਕੀ ਕੀ ਏ

ਛੱਲੇ, ਮੁੰਦੀਆਂ ਅਤੇ ਹਾਰ ਕੀ ਕੀ ਏ
ਸੋਲ੍ਹਵੇਂ ਵਰ੍ਹੇ ਦਾ ਸਿੰਗਾਰ ਕੀ ਕੀ ਏ

ਵਾਦੇ, ਵਫਾ, ਇਕਰਾਰ ਕੀ ਕੀ ਏ
ਮੈਨੂ ਵੀ ਦੱਸੋ ਪਿਆਰ ਕੀ ਕੀ ਏ

ਫਾਂਸੀ, ਗੋਲੀ, ਕਟਾਰ ਕੀ ਕੀ ਏ
ਮੈਂ ਮਰਨੈ ਦੱਸ ਤਿਆਰ ਕੀ ਕੀ ਏ

ਪਾਗਲ, ਦੀਵਾਨਾ, ਖਾਕਸਾਰ ਕੀ ਕੀ ਏ
ਆ ਤੈਨੂ ਦੱਸਾਂ ਜ਼ੈਲਦਾਰ ਕੀ ਕੀ ਏ

ਜੇ ਜੈਲਦਾਰ ਨਾਲ ਲਾਏਂਗੀ, ਤੈਨੂ ਪੇਂਡੂ ਬਨਣਾ ਪੈਣਾ ਨੀ

ਸਾਡਾ ਸਾਰਾ ਲਾਣਾ ਪੇਂਡੂ ਨੀ, ਤੇਰੇ ਕੁੱਤੇ ਤੱਕ ਵਿਦੇਸੀ ਨੀ
ਲੱਕਡ਼ ਦਾ ਕੰਘਾ ਫਸ ਜਾਣਾ,ਤੇਰੇ ਰੇਸ਼ਮ ਵਰਗੇ ਕੇਸੀ ਨੀ

ਸਾਡੇ ਘਰ ਦੇ ਕੱਚੇ ਚੁਲ੍ਹੇ ਨੀ, ਦਿਲ ਵਾਂਗ ਹਵੇਲੀ ਖੁੱਲੇ ਨੀ
ਨਿਤ ਆਥਣ ਵੇਲੇ ਜੁੜ ਬੈਂਦੇ, ਮੇਰੇ ਸਾਰੇ ਯਾਰ ਅਣਮੂਲੇ ਨੀ

ਚੁੰਨੀਆਂ ਦੇ ਪੱਲੇ ਲੱਮੇ ਨੇ, ਨਹੀ ਰਖਦੇ ਹੈੰਡਕਰਚੀਫ ਕੂੜੇ
ਨਾ ਲੋੜ ਹੈ ਪੱਬ ਕਲੱਬਾਂ ਦੀ, ਗਾਨੇ ਗੌਂਦੇ ਨੇ ਲੀਫ ਕੂੜੇ

ਮੁੱਠੀ ਦੀ ਪੈਪ ਬਣਾ ਕਰਕੇ, ਪੀ ਪਾਣੀ ਦੱਬ ਸਟਾਟਰ ਨੀ
ਤੇਰਾ ਮੇਧਾ ਕਮਜ਼ੋਰ ਜਿਹਾ, ਨਹੀ ਮਿਲਣਾ ਮਿਨਰਲ ਵਾਟਰ ਨੀ

ਨਹੀ ਪਿੰਡ ਦੀ ਜ਼ਿੰਦਗੀ ਸੌਖੀ, ਤੈਨੂ ਹਰ ਦੁਖ ਪੈਣਾ ਸਹਿਣਾ ਨੀ
ਜੇ ਜੈਲਦਾਰ ਨਾਲ ਲਾਏਂਗੀ, ਤੈਨੂ ਪੇਂਡੂ ਬਨਣਾ ਪੈਣਾ ਨੀ

ਬਈ ਉਰਦੂ ਦੇ ਅਲਗ ਨਜ਼ਾਰੇ ਕਿਹ੍ੜਾ ਸਮਝੇ ਰਮਜ਼ਾਂ

ਅਲਿਫ, ਬੇ ਅਤੇ ਜ਼ੋਏ, ਤੋਏ , ਨੂੰਨ ਗੁਨਾ ਅਤੇ ਹਮਜ਼ਾਂ
ਬਈ ਉਰਦੂ ਦੇ ਅਲਗ ਨਜ਼ਾਰੇ ਕਿਹ੍ੜਾ ਸਮਝੇ ਰਮਜ਼ਾਂ 

ਕ਼ਾਫ ਕਾਫ ਦਾ ਫਰਕ ਸਮ੍ਝ ਲਏਂ, ਏਨਾ ਨਹੀ ਸਿਆਣਾ 
ਪਰ ਜੈਲੀ ਉਰਦੂ ਸਿਖ ਕੇ ਹੀ ਲਹਿੰਦੇ ਵੱਲ ਨੂ ਜਾਣਾ

...................ਕਾਵਿ ਭੜਾਸ......................

...................ਕਾਵਿ ਭੜਾਸ......................
_______________________________
ਗਰ ਖੁਦਾ ਮੂਝਕੋ ਹੁਕ੍ਮ ਦੇ ਮੈਂ ਇਨਾਯਤ ਕਰਦੂੰ
ਮੈਂ ਤੋ ਤੇਰਾ ਨਾਮ ਹੀ ਬਦਲ ਕੇ ਮੁਹੱਬਤ ਕਰਦੂੰ
_________________________

ਚਰਾਗੋਂ ਕੋ ਉਠਾ ਕਰ ਰਖ ਦਿਆ ਮੈਨੇ ਪਹਾੜੋਂ ਪਰ
ਕਿ ਕਾਬੂ ਕਰ ਲਿਆ ਮੈਨੇ ਹਵਾਓਂ ਕੀ ਦਹਾੜੋਂ ਪਰ
________________________
ਖੂਨ ਆਂਖੋਂ ਮੇਂ ,ਮੇਰੀ ਹਿੱਮਤ ਕਾ ਸਾਨੀ ਭੇਜਣਾ
ਐ ਖੁਦਾ ਦੁਸ਼ਮਣ ਭੀ ਮੂਝਕੋ ਖਾਨਦਾਨੀ ਭੇਜਣਾ
________________________
ਅਸ਼ਕ ਗਰ  ਬਹਨੇ ਕੋ ਆਏ ਤੋ ਪਲਕੋਂ ਸੇ ਦਬਾ ਦੇਨਾ
ਯੇ ਧਰਤੀ ਜਲ ਜਾਏਗੀ, ਬੂੰਦ ਨਾ ਨੀਚੇ ਗਿਰਾ ਦੇਨਾ
__________________________________

ਤੇਰੀ ਮੂੰਦਰੀ ਰੁਮਾਲ ਅਤੇ ਖਤ ਸਾਰੇ ਗਿੱਲੇ ਨੇ

ਸੜਕਾਂ ਦੇ ਕਿੱਕਰਾਂ ਤੋਂ ਕੱਲ ਹੀ ਜੋ ਛਾਂਗੀਆਂ ਨੇ
ਜਿਥੋਂ ਜਿਥੋਂ ਟੁੱਟੀ ਟਾਹਣੀ ਫੱਟ ਸਾਰੇ ਗਿੱਲੇ ਨੇ
ਜੋ ਅੱਖੀਆਂ ਦੇ ਪਾਣੀ ਵਿਚ ਛ੍ਡ੍ ਗਈ ਭਿਓਂਕੇ
ਤੇਰੀ ਮੂੰਦਰੀ ਰੁਮਾਲ ਅਤੇ ਖਤ ਸਾਰੇ ਗਿੱਲੇ ਨੇ
ਗਮਾਂ ਦੇ ਤੂਫਾਨ ਵਿਚ ਚੁਪ ਚਾਪ ਖੜੇ ਰਹੇ
ਅੱਖੀਆਂ ਤੇ ਪਲਕਾਂ ਦੇ ਛੱਤ ਸਾਰੇ ਗਿੱਲੇ ਨੇ..... ਜੈਲਦਾਰ

ਗੱਲ ਸੁਣੋ ਪੰਜਾਬੀ ਗਬਰੂਓ,

ਗੱਲ ਸੁਣੋ ਪੰਜਾਬੀ ਗਬਰੂਓ,
ਏ ਕਰਦਾ ਸਮਾਂ ਪੁਕਾਰ

ਜੀ ਇਕ ਝਾਤੀ ਅੰਦਰ ਵੱਲ ਨੂ,
ਲਓ ਮਨ ਦੇ ਨੈਣੀ ਮਾਰ

ਕਿਓਂ ਲਹੂ ਹਰਾਰਤ ਛਡ ਗਿਆ,
ਤੇ ਹੋ ਗਿਆ ਠੰਡਾ ਠਾਰ

ਕਿਓਂ ਵਾਂਗ ਤਪੇਦਿਕ ਚੜ ਗਿਆ,
ਏ ਵੀਜਿਆਂ ਵਾਲਾ ਬੁਖਾਰ

ਹਰ ਘਰ ਚੋਂ ਇਕ ਇਕ ਗਬਰੂ,
ਹੋਇਆ ਮਰਜ਼ ਇਹਦਾ ਸ਼ਿਕਾਰ

ਜੋ ਮਿਹਨਤਕਸ਼ ਸੀ ਗਬਰੂ
ਗਫ੍ਲਤ ਕੀਤੇ ਬੇਕਾਰ

ਕੁਝ ਨਸ਼ਿਆਂ ਨੇ ਜੀ ਖਾ ਲਾਏ
ਸਬ ਜਿਸ੍ਮ ਕੀਤੇ ਬੇਜ਼ਾਰ

ਜੀ ਕਿੱਲੇ ਵੇਚਕੇ, ਗਹਿਣੇ ਧਰਕੇ
ਹੋਗੀ ਫਾਇਲ ਯੂਕੇ ਦੀ ਤਿਆਰ

ਜੋ ਸਰਹੱਦਾਂ ਤੇ ਸੀ ਫੜ ਲਏ
ਹੋਗੇ ਅੰਦਰ, ਜਾਂਦੇ ਬਾਹਰ

ਤੇਰੀ ਮਾਂ ਤਤੜੀ ਲੋਚ੍ਦੀ,
ਓਹ੍ਦੀ ਨਿਗਾਹ ਉਮਰ ਵਲ ਮਾਰ

ਬਾਪੂ ਕਰਜੇ ਅੰਦਰ ਡੁੱਬਿਆ,
ਨਕ ਨਕ ਚੜਿਆ ਉਧਾਰ

ਬੁਢੇ ਸਿਰ ਤੇ ਕਾਹਤੋਂ ਰਖਤਾ,
ਜ਼ਿੱਮੇਵਾਰੀਆਂ ਵਾਲਾ ਭਾਰ

ਤੇਰੀ ਜਿੰਨੀ ਚਾਦਰ ਸੋਹਣਿਆ
ਤੂ ਓਨੇ ਪੈਰ ਪਸਾਰ

ਤੇਰੀ ਕਿਸਮਤ ਤੇਰੇ ਹਥ ਹੈ
ਕੁਝ ਨੀ ਸਰ ਕਰਨਾ ਸਰਕਾਰ

ਮਿਹਨਤ ਬਾਜੋ ਕਾਮਯਾਬੀ ਦਾ
ਹੋਰ ਨਹੀ ਆਧਾਰ

ਤੇਰਾ ਰੱਤਾ ਰਤ ਰਤਾ ਵੀ ਜੇ
ਰਖੇ ਦੇਸ਼ ਲਯੀ ਸਤਕਾਰ

ਤੂ ਛਡ ਸੁਪਨੇ ਲੈਣੇ ਬਾਹਰ ਦੇ
ਤੇਰਾ ਏਥੇਇ ਹੈ ਪਰਿਵਾਰ

ਜੇ ਬਚਦੀ ਕੌਮ ਬਚਾ ਲਓ ਦੋਸਤੋ
ਸਚ ਕਹਿੰਦਾ ਏ ਜੈਲਦਾਰ

-------------ਕੁਜ ਮਿਕ੍ਸ ਸ਼ੇਰ----------------

-------------ਕੁਜ ਮਿਕ੍ਸ ਸ਼ੇਰ----------------
___________________________________
ਨਾ ਮਗਜ਼ ਖਪੌਣੇ ਆਂ, ਨਾ ਕਾਗਜ਼ ਖਰਾਬ ਕਰਦੇ ਆਂ
ਪਿੰਡਾਂ ਦੇ ਵਾਸੀ ਹਾਂ , ਪੋਟਿਆਂ ਤੇ ਹਿਸਾਬ ਕਰਦੇ ਆਂ
____________________________________
ਇਹ ਸ਼ਹਿਰ ਤੇਰੇ ਸਬ ਬਾਰੂਦਾਂ ਨਾਲ ਭਰੇ ਨੇ
ਬਸ ਪਿੰਡ ਹੀ ਨੇ, ਜੋ ਅਮਰੂਦਾਂ ਨਾਲ ਭਰੇ ਨੇ
___________________________________
ਏਨਾ ਪਸੀਨਾ ਕਿਓਂ ਹੈ ,ਅੱਜ ਗੁਲਿਸਤਾਨ ਤੇ
ਰੱਬ ਨੇ ਸੂਰਜ ਨਿਚੋੜਿਆ ਹੋਣੈ ਆਸਮਾਨ ਤੇ
____________________________________
ਮੇਰੇ ਬਾਗ ਵਿਚ ਹੁਣ ਚਹਲਕਦਮੀ ਘੱਟ ਗਈ ਏ
ਜਦੋਂ ਦੀ ਤਿਤਲੀਆਂ ਦੀ ਔਣ-ਜਾਣੀ ਹੱਟ ਗਈ ਏ
____________________________________ ਜ਼ੈਲਦਾਰ ਪਰਗਟ ਸਿੰਘ

ਬਸ ਪਾਕ ਪੰਜਾਬ ਨੂ ਇੱਕ ਕਰ ਦਿਓ ਬਾਕੀ ਖਾਵਣ ਖਸਮਾਂ ਨੂ

| ਇੱਕ ਗੀਤ ਸਾਂਝੇ ਪੰਜਾਬ ਦੇ ਨਾਮ ਜੋ ਕਿਸੇ ਨਕਸ਼ੇ ਤੇ ਨਾ ਹੁੰਦੇ ਹੋਏ ਵੀ ਦਿਲਾਂ ਦੇ ਵਿਚ ਮੌਜੂਦ ਹੈ |
| ਜਲਦੀ ਹੀ ਇਸਦਾ ਆਡਿਯੋ ਵਿਸ਼੍ਹੁਯਲ ਵੀ ਆ ਰਿਹਾ ਹੈ |



ਰੱਬ ਕਰਕੇ ਸਰਕਾਰ ਕਰੇ ਕੋਈ ਐਸਾ ਜਾਰੀ ਆਡਰ ਜੀ
ਢਹਿ ਜਾਵਣ ਇਹ ਸਬ ਸਰਹੱਦਾਂ ਖੁੱਲ ਜੇ ਵਾਹਗਾ ਬਾਡਰ ਜੀ
ਜਾਣ ਲਾਹੋਰ ਨੂ ਅਮ੍ਰਿਤਸਰ ਤੋਂ ਹੋਕੇ ਸਾਬ ਬੇਖੌਫ ਜਹੇ
ਸਰਹੱਦਾਂ ਤੇ ਬੱਚੇ ਖੇਡਣ, ਹੋਵੇ ਨਾ ਕੋਈ ਡਰ ਜੀ
ਜੋ ਜ਼ਾਤ ਪਾਤ ਵਿਚ ਫਰਕ ਕਰਨ ਅੱਗ ਲਾਓ ਐਸੀਆਂ ਰਸਮਾਂ ਨੂ
ਬਸ ਪਾਕ ਪੰਜਾਬ ਨੂ ਇੱਕ ਕਰ ਦਿਓ ਬਾਕੀ ਖਾਵਣ ਖਸਮਾਂ ਨੂ

ਜੀ ਸਾਂਝੇ ਘਰ ਨੂ ਦੋ ਹਿੱਸਿਆਂ ਵਿਚ ਵੰਡਕੇ ਵੀ ਕੀ ਖੱਟ ਲਿਆ
ਖੂਨ ਦੇ ਬਦਲੇ ਖੂਨ ਵਹਾ ਕੇ ਵੀ ਕੀ ਦੱਸੋ ਵੱਟ ਲਿਆ
ਦੇਸ਼ ਦੇ ਨਾਂ ਤੇ ਰਾਜਨੀਤੀ ਦੀ ਸਾਨੂ ਤਾਂ ਕੋਈ ਲੋੜ ਨਹੀ
ਨਾ ਹਿੰਦ ਦੇ ਨਾ ਪਾਕ ਦੇ ਆਪਾਂ ਤਾਂ ਝੰਡਾ ਹੀ ਪੱਟ ਲਿਆ
ਕਿਹ੍ੜਾ ਥੋਨੂ ਯਾਦ ਕਰਾਊ ਭਗਤ ਸਿੰਘ ਦੀਆਂ ਕਸਮਾਂ ਨੂ
ਬਸ ਪਾਕ ਪੰਜਾਬ ਨੂ ਇੱਕ ਕਰ ਦਿਓ ਬਾਕੀ ਖਾਵਣ ਖਸਮਾਂ ਨੂ

ਲੱਖਾਂ ਹੀ ਬੇਦੋਸ਼ਿਆਂ ਨੂ ਇਹ ਵੰਡ ਕੁਲਹਿਣੀ ਮਾਰ ਗਈ
ਸਿਰ ਦਾ ਸਾਈਂ ਪਰਤਿਆ ਨਾ ਤਤੜੀ ਰਾਹ ਤਕ ਤਕ ਹਾਰ ਗਈ
ਗੱਡੀਆਂ ਭਰ ਲਾਸ਼ਾਂ ਦੀਆਂ ਆਵਣ ਮਾਵਾਂ ਪੁੱਤ ਪਛਾਨਣ ਜੀ
ਖੂਨ ਦੇ ਅਥਰੂ ਰੋ ਰੋ ਅਮੜੀ ਏ ਵੀ ਦੁਖ ਸਹਾਰ ਗਈ
ਵੰਡ ਚੰਗੀ ਜਾਂ ਮਾੜੀ ਕੋਈ ਪੁੱਛੋ ਜਾਕੇ ਉਸ ਮਾਂ ਨੂ
ਬਸ ਪਾਕ ਪੰਜਾਬ ਨੂ ਇੱਕ ਕਰ ਦਿਓ ਬਾਕੀ ਖਾਵਣ ਖਸਮਾਂ ਨੂ

ਰਾਜਗੁਰੂ, ਸੁਖਦੇਵ, ਭਗਤ ਸਿੰਘ ਜਿਸ ਲਈ ਹੋ ਕੁਰਬਾਨ ਗਏ
ਓਸ ਆਜ਼ਾਦੀ ਦੀ ਆਰਥੀ ਚੱਕ ਨੇਤਾ ਲੈ ਸ਼ਮਸ਼ਾਨ ਗਏ
ਦੇਸ਼ ਆਜ਼ਾਦ ਕਰਾ ਕੇ ਵੀ ਕਿਹੜੀ ਫਿਰ ਜੰਗ ਸੀ ਜਿੱਤ ਲਈ
ਜੇ ਚੜਦੇ ਵੱਲ ਨੂ ਸਿੱਖ ਤੇ ਲਹਿੰਦੇ ਵੱਲ ਨੂ ਮੁਸਲਮਾਨ  ਗਏ
ਜ਼ੈਲਦਾਰ ਮੱਥੇ ਲਾ ਲ ਓਹ੍ਨਾ ਸੂਰਵੀਰਾਂ ਦੀਆਂ ਭਸਮਾਂ ਨੂ
ਬਸ ਪਾਕ ਪੰਜਾਬ ਨੂ ਇੱਕ ਕਰ ਦਿਓ ਬਾਕੀ ਖਾਵਣ ਖਸਮਾਂ ਨੂ

----ਦਿਲ ਤਾਂ ਮੇਰਾ ਵੀ ਕਰਦੈ----

----ਦਿਲ ਤਾਂ ਮੇਰਾ ਵੀ ਕਰਦੈ----
ਦਿਲ ਤਾਂ ਮੇਰਾ ਵੀ ਕਰਦੈ -- ਕੁਜ ਲਿਖਾਂ ਕਿਸੇ ਐਸ਼ੇ ਵਿਸ਼ੇ ਤੇ ਜਿਸ੍ਤੇ ਕਿਸੇ ਕੁਜ ਲਿਖਿਆ ਨਾ ਹੋਵੇ |
ਦਿਲ ਤਾਂ ਮੇਰਾ ਵੀ ਕਰਦੈ -- ਕਿਸੇ ਉਧਮ ਸਿੰਘ ਦੀ ਪਸਤੋਲ ਚੋਂ ਨਿਕਲ ਕਿਸੇ ਅਡਵਾਇਰ ਦੇ ਸੀਨੇ ਚ ਉੱਤਰ ਜਾਵਾਂ |
ਦਿਲ ਤਾਂ ਮੇਰਾ ਵੀ ਕਰਦੈ -- ਲਾਲ ਕਿਲੇ ਮੂਹਰੇ ਖੜ ਇਨਕ਼ਲਾਬ ਜ਼ਿੰਦਾਬਾਦ ਦਾ ਰੌਲਾ ਪਾਵਾਂ |
ਦਿਲ ਤਾਂ ਮੇਰਾ ਵੀ ਕਰਦੈ -- ਕਿਸੇ ਠੰਡੇ ਮੁਲਖ ਬੈਠ ਭਾਰਤ ਵਿਚ ਵਧ ਰਹੀ ਗਰੀਬੀ ਦੀਆਂ ਗੱਲਾਂ ਕਰਾਂ |
ਦਿਲ ਤਾਂ ਮੇਰਾ ਵੀ ਕਰਦੈ -- ਫੇਸਬੂਕ ਤੇ ਕੋਈ ਪੰਜਾਬੀ ਗ੍ਰੂਪ ਬਣਾ ਕੇ ਆਪਣੇ ਨਾਲੋਂ ਚੰਗੇ ਲਿਖਾਰੀਆਂ ਨੂ ਦੱਸਾਂ ਕੀ ਸੱਸੇ ਨੂ ਸਿਹਾਰੀ ਕਿਧਰੋਂ ਪਾਈਦੀ ਹੈ |
ਦਿਲ ਤਾਂ ਮੇਰਾ ਵੀ ਕਰਦੈ -- ਬਰਮਿੰਘਮ ਪੈਲੇਸ ਮੂਹਰੇ ਖੜ ਕੇ ਪੰਜਾਬੀ ਮਾਂ ਬੋਲੀ ਦੇ ਪਰਚਾਰ ਲਈ ਅੰਗਰੇਜੀ ਚ ਭਾਸ਼ਨ ਦੇਵਾਂ |
ਦਿਲ ਤਾਂ ਮੇਰਾ ਵੀ ਕਰਦੈ -- ਨੀਲੀਆਂ ਖੱਟੀਆਂ ਪੱਗਾਂ ਵਾਲਿਆਂ ਨੂ ਲਹੂ ਦਾ ਰੰਗ ਦੱਸਾਂ |
ਦਿਲ ਤਾਂ ਮੇਰਾ ਵੀ ਕਰਦੈ -- ਮਿੰਟੇ ਦੇ ਬਾਪ ਨੂ ਦੱਸ ਦੇਵਾਂ ਕਿ ਹੁਣ ਓਹਦੇ ਬਾਹਰਲੇ ਮੂਲਖੋਂ ਵਾਪਸ ਅਔਣ ਦੀ ਆਸ ਛੱਡ ਦੇਵੇ |
ਦਿਲ ਤਾਂ ਮੇਰਾ ਵੀ ਕਰਦੈ -- ਆਪਣੇ ਖੂਨ ਦਾ ਕਤਰਾ ਕਤਰਾ ਨਿਚੋਡ਼ ਸਤਲੁਜ, ਰਾਵੀ ਅਤੇ ਚਨਾਬ ਵਿਚ ਹੀ ਰੋੜ ਦੇਵਾਂ ਖਬਰੇ ਮੇਰਾ ਖੂਨ ਹੀ ਮੇਰੇ ਪੁਰਖਿਆਂ ਦੀ ਜ਼ਮੀਨ ਤੱਕ ਪਹੁੰਚ ਜਾਵੇ |
ਦਿਲ ਤਾਂ ਮੇਰਾ ਵੀ ਕਰਦੈ -- ਸ਼ਹਿਰਾਂ ਦੀਆਂ ਪੜ੍ਹਾਕਣਾ ਦੀਆਂ ਕਾਪਿਆ ਕਿਤਾਬਾਂ ਵਿਚ "ਸੰਗ" ਅਤੇ "ਸ਼ਰਮ" ਨਾਮ ਦੇ ਦੋ ਸ਼ਬਦ ਹੋਰ ਲਿਖ ਦੇਵਾਂ ਅਤੇ ਇਹ੍ਨਾ ਦੇ ਮਤਲਬ ਦੱਸਣ ਲਈ ਕਹਾਂ |
ਦਿਲ ਤਾਂ ਮੇਰਾ ਵੀ ਕਰਦੈ -- ਪੰਜਾਬ ਦੇ ਕਿਸੇ ਪਿੰਡ ਦਾ ਨਾਮ ਇੰਗਲੈਂਡ ਜਾਂ ਕਨੇਡਾ ਰੱਖ ਦੇਵਾਂ ਖਬਰੇ ਕੀਤੇ ਨੌਜਵਾਨਾਂ ਦਾ ਧਿਆਨ ਏਧਰ ਵੀ ਹੋ ਜਾਵੇ |
ਦਿਲ ਤਾਂ ਮੇਰਾ ਵੀ ਕਰਦੈ ਕੁਜ ਲਿਖਾਂ ਪਰ ਕਲਮ ਰੁਕ ਜਾਂਦੀ ਹੈ ਕਿ ਕੀਤੇ ਸਮੇਂ ਦੇ ਸਾਹਿਤਕਾਰਾਂ ਨੂ ਮੇਰੀ ਲਿਖਤ ਪਚਣੀ ਵੀ ਹੈ ਕੇ ਨਹੀ ਸੋ ਦਿਲ ਦੇ ਚਾਹੁੰਦੇ ਹੁੰਦੇ ਹੋਏ ਵੀ ਬਹੁਤ ਕੁਜ ਨਹੀ ਲਿਖ ਸਕਦਾ |

ਖੁਦ ਮੇਰੀ ਖੁਸ਼ੀ ਹੀ ਖੁਦ ਮੇਰੇ ਲਈ ਖੁਦਕੁਸ਼ੀ ਹੋਈ

ਮੇਰੇ ਨਾਲ ਕਿਹ੍ੜਾ ਅੱਜ,ਕੋਈ ਗੱਲ ਹੈ,ਨਵੀਂ ਹੋਈ
ਤੂੰ ਮੈਨੂ ਗੈਰ ਕਹਿ ਦਿੱਤਾ , ਕੀ ਜੱਗੋਂ ਤੇਰ੍ਹਵੀਂ ਹੋਈ

ਸਰੇਬਾਜ਼ਾਰ ਮੇਰੇ ਇਸ਼੍ਕ਼ ਨੂ ਨੀਲਾਮ, ਕਰ ਕਰ ਕੇ
ਖੁਦ ਐਸ਼ਾਂ ਉਡਾਵੇਂ ,ਇਹ ਕਿੱਦਰ ਦੀ ਮੁਫਲਿਸੀ ਹੋਈ

ਤੇਰੀ ਜਾਣ ਦੀ ਗੱਲ ਹੀ ਮੇਰੀ ਤਾਂ ਜਾਣ ਲੈ ਬੈਠੀ
ਖੁਦ ਮੇਰੀ ਖੁਸ਼ੀ ਹੀ ਖੁਦ ਮੇਰੇ ਲਈ ਖੁਦਕੁਸ਼ੀ ਹੋਈ

ਤੇਰੀ ਤਸਵੀਰ ਨੂ ਕੀ ਵੇਖਿਆ, ਇਕ ਨਜ਼ਰ ਜ਼ਾਲਮ
ਮੇਰੀ ਜ਼ਿੰਦਗੀ ਵਿਚ ਫਿਰ ਗਮਾਂ ਦੀ ਵਾਪਸੀ ਹੋਈ

ਹਉਮੈਂ ਨਾ ਭਰਿਆ ਜੈਲਦਾਰਾ ਕਿਓਂ ਤੂ ਰਹਿਣਾ ਹੈਂ
ਪਤਾ ਲੱਗ ਜੁ ਤੈਨੂ ਜਦੋ ਮੌਤ ਦੇ ਨਾਲ ਦੋਸਤੀ ਹੋਈ .... ਜੈਲਦਾਰ ਪਰਗਟ ਸਿੰਘ