ਬਚਾਂ ਕਿਵੇਂ ਦੋਸਤੋ

ਨੈਨਾ ਦਿਆਂ ਵਾਰਾਂ ਕੋਲੋਂ
ਤੇਜ਼ ਹਥਿਆਰਾਂ ਕੋਲੋਂ
ਮਘੇ ਅੰਗਿਆਰਾਂ ਕੋਲੋਂ
ਬਚਾਂ ਕਿਵੇਂ ਦੋਸਤੋ

ਜਿੰਦ ਜਾਂਦੀ ਮੁੱਕ ਮੁੱਕ
ਚੱਲੇ ਪੌਂਚਾ ਚੁੱਕ ਚੁੱਕ
ਨਖਰੇ ਹਜ਼ਾਰਾਂ ਕੋਲੋਂ
ਬਚਾਂ ਕਿਵੇ ਦੋਸਤੋ

ਵੇਖੇਂ ਅਖ ਚੱਕ ਚੱਕ
ਦਿਲ ਕਰੇ ਧੱਕ ਧੱਕ
ਰੂਪ ਦੀਆਂ ਮਾਰਾਂ ਕੋਲੋਂ
ਬਚਾਂ ਕਿਵੇਂ ਦੋਸਤੋ

ਤੱਕਾਂ ਜਦ ਖੜ ਖੜ
ਲੋਕੀਂ ਪੈਂਦੇ ਸੜ ਸੜ
ਮਾੜਿਆਂ ਵਿਚਾਰਾਂ ਕੋਲੋਂ
ਬਚਾਂ ਕਿਵੇਂ ਦੋਸਤੋ

ਲੌਂਦੇ ਤੁੱਕੇ ਜੋੜ ਜੋੜ
ਕਲਮ ਜਹੀ ਤੋੜ ਤੋੜ
ਜੈਲੀ ਜਹੇ ਯਾਰਾਂ ਕੋਲੋਂ
ਬਚਾਂ ਕਿਵੇਂ ਦੋਸਤੋ