Fast love

ਸ਼ਹਿਰ ਦੇ ਵਿਚਾਲੇ ਇਕ ਵੱਡਾ ਚੌਂਕ ਸੀ,
ਜਿਥੇ ਖੜ੍ਨੇ ਦਾ ਵਿਹਲੇੱਆਂ ਨੂ ਸ਼ੌਂਕ ਸੀ

ਓਥੇ ਇਕ ਨਿੱਕਾ ਜਿਹਾ ਮੁੰਡਾ ਸੀ ਖਡ਼ਾ,
ਦੇਖ੍ਣੇ ਨੂ ਲਗਦਾ ਸ਼ਰੀਫ ਸੀ ਬੜਾ
10-12 ਸਾਲ ਸੀ ਉਮਰ ਓਸਦੀ,
ਪਰ ਚੰਗੀ ਨੀ ਸੀ ਲਗਦੀ ਨਜ਼ਰ ਓਸਦੀ

ਪਤਾ ਨੀ ਓ ਕੀਦੀ ਸੀ ਉਡੀਕ ਕਰਦਾ
ਕਦੇ ਕੱਪੜੇ ਓਹ ਝਾੜੇ ਵਾਲ ਠੀਕ ਕਰਦਾ
ਤੱਕਦੇ ਸੀ ਲੋਕੀ ਓਹਨੂ ਸ਼ੱਕ ਨਾਲ ਜੀ
ਕੋਈ ਘੂਰੇ ਸਿਧਾ ਕੋਈ, ਟੇਡੀ ਅਖ ਨਾਲ ਜੀ

ਦਿਲ ਵਿਚ ਪਤਾ ਨੀ ਕੀ ਆਸ ਕਰਦਾ
ਖੜਾ ਸੀ ਓਹ ਬਸ ਟਾਇਮ ਪਾਸ ਕਰਦਾ

ਇਕ ਕੁੜੀ ਸ਼ਹਿਰ ਜੋ ਪੜਣ ਆਯੀ ਸੀ
ਪਿੰਡ ਵਾਲੀ ਬਸ ਤੇ ਚੜਨ ਆਯੀ ਸੀ

ਜੀ ਕੁੜੀ ਵੇਖ ਮੁੰਡੇ ਨੂ ਤਾ ਚਾ ਹੋ ਗਿਆ
ਓਹਨੂ ਇੰਜ ਲੱਗਾ ਹੁਣ ਮੈਂ ਵੱਡਾ ਹੋ ਗਿਆ
ਖੜੇ ਖੜੇ ਮੁੰਡੇ ਨੂ ਸ਼ੈਤਾਨੀ ਸੂਝ ਗੀ
ਨਹੀ ਕਰਨੀ ਸੀ ਜਿਹੜੀ ਓ ਨਾਦਾਨੀ ਸੂਝ ਗੀ

ਕੁੜੀ ਦੇਖ੍ਣੇ ਨੂ ਲੱਗਦੀ ਸ਼ਰੀਫ ਸੀ ਬੜੀ
ਆਪਣੇ ਖਿਆਲਾਂ ਚ ਗੁਆਚੀ ਸੀ ਖੜੀ

ਮੁੰਡੇ ਕੁੜੀ ਵੱਲ ਆਪਣੀ ਨਜ਼ਰ ਚਾੜ੍ਤੀ
ਲੋਕਾਂ ਤੋ ਬਚਾ ਕੇ ਓਹਨੇ ਅਖ ਮਾਰਤੀ
ਤੱਕ ਕੇ ਸ਼ੈਤਾਨੀ ਕੁੜੀ ਦੰਗ ਹੋ ਗਈ
ਥੋੜਾ ਹੱਸੀ ਨਾਲੇ ਥੋੜਾ ਸੰਗ ਹੋ ਗਈ

ਕੁੜੀ ਹੱਸਦੀ ਨੂ ਵੇਖ ਮੁੰਡਾ ਖੁਸ਼ ਹੋ ਗਿਆ
ਪਹਿਲਾਂ ਸੀ ਲਾਦੇਨ ਹੁਣ ਬੁਸ਼ ਹੋ ਗਿਆ
ਓਹਨੂ ਲੱਗਾ ਕੁੜੀ ਦਿਲ ਵਾਲੀ ਗੱਲ ਦੱਸ ਗੀ
ਕਲ ਬਿੱਲਾ ਕਹਿੰਦਾ ਸੀ ਜੋ ਹਸ ਗੀ ਓ ਫਸ ਗੀ

ਮੁੰਡੇ ਫਿਰ ਫਿਲ੍ਮੀ ਜਿਹਾ ਪੋਜ਼ ਮਾਰਿਆ
ਝੱਟ ਕੁੜੀ ਨੂ ਸੀ ਪਰ੍ਪੋਜ ਮਾਰਿਆ
ਕਹਿੰਦਾ ਤੇਰੇ ਲੀ ਤਾ ਕੁੜੀਏ ਮੈਂ ਤਾਰੇ ਤੋੜ ਦੂ
ਇਕ ਦੋ ਨਹੀ ਨੀ ਮੈਂ ਤਾ ਸਾਰੇ ਤੋੜ ਦੂ

ਜੀ ਮੁਹ ਵੱਟ ਕੁੜੀ ਬੱਸ ਵਿਚ ਬਹਿ ਗਯੀ
ਮੁੰਡੇ ਦੀ ਤਾ ਰੀਝ ਦਿਲ ਵਿਚ ਰਹੀ ਗਯੀ
ਮਾਰ ਕੇ ਸ੍ਟਾਇਲ ਗਿਆ ਬਾਰੀ ਕੋਲ ਸੀ
ਦਿਲ ਵਾਲੀ ਗਲ ਝੱਟ ਗਿਆ ਬੋਲ ਸੀ

ਮੁੰਡੇ ਜਾਂਦੀ ਜਾਂਦੀ ਕੁੜੀ ਨੂ ਕੁਮੇਂਟ ਮਾਰਿਆ
ਨਵੀ ਗੱਡੀ ਉੱਤੇ ਜਿਵੇਂ ਡੇਂਟ ਮਾਰਿਆ
ਕਹਿੰਦਾ ਤੇਰੇ ਜਾਣ ਨਾਲ ਨੀ ਖੁਸ਼ੀ ਇਹ ਖਿੰਡਦੀ
ਮਿੱਤਰਾਂ ਤੇ ਮਰਦੀ ਹਰੇਕ ਪਿੰਡ ਦੀ

ਹਜੇ ਗੱਲਾਂ ਏ ਪਤਾ ਨੀ ਕਿੰਨੀਆਂ ਨੂ ਕਹਿਣਿਆਂ
ਕੁੜੀਆਂ ਤੇ ਬੱਸਾਂ ਔਂਦਿਆਂ ਹੀ ਰਹਿਣੀਆਂ

ਬੱਸ ਤੁਰ ਗਈ ਮੁੰਡਾ ਸੀ ਨਮੋਸ਼ ਹੋ ਗਿਆ
ਫੇਰ ਜ਼ੈਲਦਾਰ ਵੀ ਖਾਮੋਸ਼ ਹੋ ਗਿਆ

ਪਿੰਡ ਹੋਏ ਦੀਵਾਨ ਦੀਆਂ ਕੁਜ ਝਲਕੀਆਂ

ਕਲ ਰਾਤ ਸਾਡੇ ਪਿੰਡ ਹੋਏ ਦੀਵਾਨ ਦੀਆਂ ਕੁਜ ਝਲਕੀਆਂ
ਸਾਹਿਬ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਸਰੂਪ ਵਿਰਾਜਮਾਨ ਹੈ
ਤਿੰਨ ਘੰਟੇ ਪਹਿਲਾਂ ਕੀਤੀ ਲੌਸਮਿਂਟ ਕਰਕੇ ਇੱਕਾ ਦੁੱਕਾ ਸੰਗਤਾਂ ਦਾ ਔਣਾ ਸ਼ੁਰੂ ਹੋ ਗਿਆ ਹੈ
ਸਬ ਤੋਂ ਅੱਗੇ ਨੀਲੇ ਪਗ ਬੰਨ ਕੇ ਬੈਠੇ ਨੇ ਗੁਰੂਦੁਆਰੇ ਦੇ ਪਰਧਾਨ ਸਾਬ
ਓਹ੍ਨਾ ਦੇ ਪਿਛੇ ਓਹ੍ਨਾ ਦੇ ਦੋ ਤਿੰਨ ਚਮਚੇ ਤੇ ਕੁਜ "ਸਮਰਥਕ"
ਜੋ ਹਰ ਪੰਜ ਕੁ ਮਿੰਟ ਬਾਦ "ਪਰਧਾਨ ਸਾਬ" ਦੇ ਕੰਨਾ ਵਿਚ ਫੂਕ ਜਹੀ ਮਾਰ ਦਿੰਦੇ ਹਨ
ਸ਼ਾਯਦ ਲੋਕਾਂ ਦੇ ਗੋਲਕ ਵੱਲ ਘੱਟ ਧਿਆਨ ਦੇਣ ਕਰਕੇ ਪਰੇਸ਼ਾਨ ਹਨ
ਬੀਬੀਆਂ ਵਾਲੇ ਪਾਸੇ ਹਜੇ ਚੁਪ ਛਾਈ ਹੈ ਕਿਓਂਕਿ ਓਹ੍ਨਾ ਦੀ ਤਾਦਾਦ ਇਨੀ ਨਹੀ ਕਿ ਓ ਗੱਲਾਂ ਕਰ ਸਕਣ
ਸਿਰ੍ਫ ਬੱਚੇ ਅਤੇ ਬੁਜੁਰਗ ਹੀ ਕਵੀਸ਼ਰੀ ਬਾਬੇ ਦੀਆਂ ਗੱਲਾਂ ਧਿਆਨ ਨਾਲ ਸੁਣ ਰਹੇ ਹਨ
ਕੁਜ ਕੁ ਸਮੇਂ ਬਾਦ ਲੰਗਰ ਵਾਲੇ ਹਾਲ ਵਿਚੋਂ ਭਾਂਡੇ ਖੜਕਾਣ ਦੀ ਆਵਾਜ਼ ਆਯੀ,
ਸੰਗਤਾਂ ਦਾ ਧਿਆਨ ਓਧਰ ਹੀ ਹੋ ਗਿਆ
ਕਵੀਸ਼ਰੀ ਨੇ ਧਿਆਨ ਆਪਣੇ ਵੱਲ ਖਿਚਣ ਲਈ ਆਪਣੀ ਆਵਾਜ਼ ਹੋਰ ਬੁਲੰਦ ਕੀਤੀ
ਪੰਜ ਕੁ ਮਿੰਟ ਬਾਦ ਜਦ ਓਹੀ ਆਵਾਜ਼ ਫੇਰ ਆਈ ਤਾਂ ਸੰਗਤ ਵਿਚ ਖੁਸਰ ਪੁਸਰ ਹੋਣ ਲੱਗ ਪਈ
ਇੱਕ ਕਹਿੰਦਾ " "ਯਾਰ ਸੁਣਿਆ ਗਾਜਰਪਾ ( ਗਾਜਰ ਦਾ ਹਲੁਆ) ਦਾ ਲੰਗਰ ਆ ਲਾਚੀ ਵਾਲੀ ਚਾਹ ਨਾਲ""
ਦੂਜਾ ਕਹਿੰਦਾ "" ਲਾਚੀ ਵਾਲੀ ਚਾਹ ਤਾ ਮਿਲੂਗੀ ਬਸ ਪਰਧਾਨ  ਨੂ ਹੀ ਸਾਨੂ ਤੇ ਪਾਣੀ ਪੱਤੀ ਹੀ ਮਿਲਣੀ ਆ ਚੁਪ ਚਾਪ ਛਕ ਜਾਵੀਂ""
ਸੰਗਤਾਂ ਨੂ ਚਾਹ ਲਈ ਗਿਲਾਸ ਫੜਾਏ ਗਾਏ, ਚਾਹ ਵਰਤਾਈ ਗਯੀ
ਗਾਜਰਪਾ, ਬੂੰਦੀ ਮਟਰ ਤੇ ਚਾਹ, ਲੋਕਾਂ ਨੂ ਤੇ ਜਿੱਦਾਂ ਬਸ ਇਹਦੀ ਹੀ ਉਡੀਕ ਸੀ
ਆਖਿਰਕਾਰ ਕਵੀਸ਼ਰੀ ਨੂ ਤਾਨਾ ਮਾਰਨਾ ਪਿਆ
"" ਕੇ ਜਿਸ ਗੁਰੂ ਗੋਬਿੰਦ ਸਿੰਘ ਨੂ ਅਸੀ ਆਪਣਾ ਪਿਤਾ ਮੰਨਦੇ ਹਨ, ਜੋ ਮਾਛੀਵਾੜੇ ਵਿਚ ਰਾਤ ਭਰ ਠੰਡ ਵਿਚ ਸੌਂ ਸਕਦਾ ਹੈ, ਅਸੀ ਉਸ ਦੇ ਪੁੱਤਰ ਹੋਕੇ ਵੀ ਕਂਬਲ ਲੈ ਕੇ ਵੀ ਦੋ ਘੰਟੇ ਨਹੀ ਕੱਡ ਸਕਦੇ"
ਕਵੀਸ਼ਰੀ ਦੀ ਗੱਲ ਦਾ ਅਸਰ ਹੋਇਆ
ਸੰਗਤ ਨੇ ਜਲਦੀ ਜਲਦੀ ਚਾਹ ਪੀ ਕੇ ਮੁੜ ਧਿਆਨ ਲਗਾਇਆ
ਚਾਹ ਪੀਣ ਤੋਂ ਬਾਦ ਸੰਗਤਾਂ ਵਿਚ ਥੋੜਾ ਹੌਸਲਾ ਹੋ ਗਿਆ
ਕਵੀਸ਼ਰੀ ਫੇਰ ਜੋਰ ਦੀ ਲੱਗ ਪੇ
ਪਰਧਾਨ ਜੀ ਲੱਕ ਦੁਖਣ ਕਰਕੇ ਆਪਣੇ ਵਿਸ਼ੇਸ਼ "ਆਫਿਸ" ਵਿਚ ਚਲੇ ਗਏ ਅਤੇ ਦੂਰੋਂ ਹੀਟਰ ਵਿਚ ਬੈਠੇ ਦੀਵਾਨ ਦਾ "ਆਨੰਦ" ਲੈਣ ਲੱਗ ਪਏ
ਥੋੜੀ ਕੁ ਦੇਰ ਬਾਦ ਪਰਬੰਧਕ ਕਮੇਟੀ ਦੇ ਮੇਂਬਰ ਆਏ ਤਾਂ ਪਰਧਾਨ ਜੀ ਨੂ ਫੇਰ ਖੇਚਲ ਕਰਨੀ ਪਈ
ਸਾਰੇ ਮੇਂਬਰ ਬਿਨਾ ਮਥਾ ਟੇਕੇ ਸਿਧੇ ਆਣ ਦੀਵਾਨ ਵਿਚ ਬੈਠ ਗਏ
ਇਹ੍ਨਾ ਸਬ ਦੇ ਔਣ ਦਾ ਧਨਵਾਦ ਕੀਤਾ ਗਿਆ
ਪੰਜ ਕੁ ਮਿੰਟ ਬੈਠਣ ਤੋ ਬਾਦ ਓ ਸਬ ਵੀ ""ਆਫਿਸ" ਵਿਚ ਚਲੇ ਗਏ
ਲੰਗਰ ਵਾਲੇ ਹਾਲ ਵਿਚ ਲਾਂਗਰੀ ਬਾਬਾ ਕੱਮੀਆਂ ਦੇ ਜੁਆਕਾਂ ਨੂ ਗਾਲਾਂ ਕੱਡ ਰਿਹਾ ਸੀ ਕੇ,  ਜੂਠ ਖਾਣੀ ਜ਼ਾਤ ਕਦੋ ਮਗਰੋ ਲਹਿਣੀ
ਓ ਸਾਰੇ ਬੱਚੇ ਜੋ ਸ਼ਾਮ ਤੋਂ ਹੀ ਉਡੀਕ ਕਰ ਰਹੇ ਸੀ ਕਿ ਕਦ ਲੰਗਰ ਖੁੱਲੂ ਤੇ ਅਸੀ ਲੰਗਰ ਲੈ ਕੇ ਘਰ ਜਾਵਾਂਗੇ ਤੇ ਆਪਣੇ ਮਾਤਾ ਪਿਤਾ ਨੂ ਜੋ ਕਿ ਦਿਨ ਭਰ ਦਿਹਾੜੀ ਕਰਕੇ ਆਏ ਹੋਣੇ ਆ ਦਵਾਂਗੇ;  ਨਿਰਾਸ਼ ਜਿਹਾ ਮੁਹ ਲੈਕੇ ਬਾਹਰ ਨੂ ਤੁਰ ਗਏ.

ਦੀਵਾਨ ਦੀ ਸਮਾਪਤੀ ਹੋਣ ਲੱਗੀ
ਭੋਗ ਪੈਣ ਤੋਂ ਪਹਿਲਾਂ ਪਰਧਾਨ ਸਾਬ ਨੇ ਸਟੇਜ ਸਕੱਤਰ ਨੂ ਕੁਜ ਕਿਹਾ
ਸਟੇਜ ਸਕੱਤਰ ਨੇ ਕਵੀਸ਼ਰੀ ਨੂ ਰੋਕ ਕੇ ਲੌਸਮਿਂਟ ਕੀਤੀ ਕੇ ਫਲਾਨਾ ਸਿੰਘ ਯੂ ਕੇ ਵੱਲੋਂ ਪੰਜ ਸੌ ਰੁਪੈ ਦਾ ਗੁਪਤ ਦਾਨ "ਗੁਰੂਦੁਆਰਾ ਸਾਹਿਬ" ਨੂ ਦਿੱਤਾ ਜਾਂਦਾ ਹੈ, ਪਰਧਾਨ ਸਮੇਤ ਓਹਦੇ ਸਾਰੇ ਚੇਲੇ ਚਪਟੇਆਂ ਨੂ ਸਿਰੋ ਪਾਓ ਦਿੱਤੇ ਗਏ.
ਪਰਧਾਨ ਦੇ ਕਹਿਣ ਤੇ ਗੁਰੂ ਸਾਹਬ ਦੇ ਅੱਗੇ ਪਯੀ ਮਾਇਆ ਇਕੱਠੀ ਕਰ ਕੇ "ਆਫਿਸ" ਵੱਲ ਭੇਜ ਦਿੱਤੀ ਗਯੀ
ਆਖਿਰ ਵਿਚ ਗੁਰੂ ਜੀ ਨੂ ਸੁਖਾਸਨ ਲ੍ਜਾਨ ਵੇਲੇ ਗੁਰੂਦੁਆਰੇ ਦੇ ਬਾਹਰ ਚਾਹ ਦੇ ਰੇਹੜੀ ਲੌਨ ਵਾਲੇ ਸਮੇਤ 10 ਕੁ ਜਣੇ ਰਹਿ ਗਏ ਸੀ
ਸਵੇਰੇ ਉਠ ਕੇ ਮੈਂ ਕਈਆਂ ਨੂ ਪੁਛਿਆ ਰਾਤੀਂ ਕਿਥੇ ਸੀ ਦੀਵਾਨ ਤੇ ਕਿਓਂ ਨਹੀ ਗਏ
ਜਿਆਦਾਤਰ ਦਾ ਜਵਾਬ ਸੀ ਕਿ ਅਸੀ ਆਰਾਮ ਨਾਲ ਟੀਵੀ ਤੇ " ਲਾਈਵ ਟੈਲੀਕਾਸਤ" ਦੇਖ ਕੇ ਦੀਵਾਨ ਦਾ "ਆਨੰਦ" ਲੈ ਰਹੇ ਸੀ

ਹੁਣੇ ਮਨੌਣੇਆਂ ਲੋਹੜੀ

ਕਹਿੰਦਾ ਬੇਬੇ ਹੋਰ ਪਾ ਦੇ ਚਾਹ ਗ੍ਲਾਸ ਚ ਥੋੜੀ
ਧੂੰਧ ਜਰਾ ਹੱਟ ਲੈਣ ਦੇ, ਹੁਣੇ ਮਨੌਣੇਆਂ ਲੋਹੜੀ

ਠੰਡ ਲੱਗਦੀ ਬੜੀ ਕਂਬਲ ਨਾਲ ਰਾਜਾਈ ਜੋੜੀ
ਧੂੰਧ ਜਰਾ ਹੱਟ ਲੈਣ ਦੇ, ਹੁਣੇ ਮਨੌਣੇਆਂ ਲੋਹੜੀ

ਦੋ ਪੇਗ ਲਾ ਕੇ ਗਰਮ ਹੋ ਜਾਵਾਂ ਪੀ ਕੇ ਦਾਰੂ ਕੌੜੀ
ਧੂੰਧ ਜਰਾ ਹੱਟ ਲੈਣ ਦੇ, ਹੁਣੇ ਮਨੌਣੇਆਂ ਲੋਹੜੀ

ਬਾਲ ਜਰਾ ਵਿਹੜੇ ਵਿਚ ਧਰਕੇ ਕਿੱਕਰੋਂ ਟਾਹਣੀ ਤੋੜੀ
ਧੂੰਧ ਜਰਾ ਹੱਟ ਲੈਣ ਦੇ, ਹੁਣੇ ਮਨੌਣੇਆਂ ਲੋਹੜੀ

ਆਏ ਬਚੇ ਲੋਹੜੀ ਮੰਗਣ ਖਾਲੀ ਹਾਥ ਨਾ ਮੋੜੀਂ
ਧੂੰਧ ਜਰਾ ਹੱਟ ਲੈਣ ਦੇ, ਹੁਣੇ ਮਨੌਣੇਆਂ ਲੋਹੜੀ