ਵੋਟਾਂ ਵਾਲੇ ਦਿਨ ਆਗੇ ਨੋਟਾਂ ਵਾਲੇ ਦਿਨ ਆਗੇ

ਵੋਟਾਂ ਵਾਲੇ ਦਿਨ ਆਗੇ ਨੋਟਾਂ ਵਾਲੇ ਦਿਨ ਆਗੇ
ਲੀਡਰਾਂ ਦੀ ਲੁੱਟ ਤੇ ਖਸੋਟਾਂ ਵਾਲੇ ਦਿਨ ਆਗੇ

ਸਾਡੀ ਹੀ ਕੁਹਾੜੀ ਹੋਣੀ, ਸਾਡਾ ਹੀ ਏ ਪੈਰ ਹੋਣਾ,
ਸਾਨੂ ਹੀ ਨੇ ਵੱਜਣੀਆਂ, ਚੋਟਾਂ ਵਾਲੇ ਦਿਨ ਆਗੇ

ਅਸੀਂ ਜਿੱਥੇ ਖੜੇ ਸੀ, ਅਜੇ ਵੀ ਓਥੇ ਖੜੇ ਆਂ
ਇਹਨਾਂ ਲਈ ਤਾਂ ਕੁੜਤੇ ਤੋਂ ਕੋਟਾਂ ਵਾਲੇ ਦਿਨ ਆਗੇ

200 ਲੱਖ ਕਹਿੰਦੇ ਥੋਡੇ ਪਿੰਡ ਤੇ ਖਰਚ ਦਿੱਤਾ
ਆਗੇ ਆਗੇ , ਝੂਠੀਆਂ ਰਪੋਟਾਂ ਵਾਲੇ ਦਿਨ ਆਗੇ

ਜਿਨੇ ਦਿਨ ਵੋਟ ਨੇ ਜੀ ਦਾਣਾ ਪਾਣੀ ਵਾਧੂ ਏ
ਦਿੱਸਣੇ ਨਹੀਂ ਨੇਤਾ ਜਦੋਂ ਤੋਟਾਂ ਵਾਲੇ ਦਿਨ ਆਗੇ

ਟੁੱਟੇ ਦਿਲ ਤੇ ਟੁਕੜੇ ਜਦ ਮੈਂ ਅੰਬਰ ਵਿੱਚ ਖਿਲਾਰੇ

ਟੁੱਟੇ ਦਿਲ ਤੇ ਟੁਕੜੇ ਜਦ ਮੈਂ ਅੰਬਰ ਵਿੱਚ ਖਿਲਾਰੇ
ਰਾਤ ਪਈ ਤੇ ਅੱਖਾਂ ਕੱਡਣ, ਚਮਕਣ ਬਣ ਬਣ ਤਾਰੇ

ਪੁੱਛਣ ਕਿੱਥੇ ਯਾਰ ਨੇ ਤੇਰੇ ਕਿੱਥੇ ਗਏ ਸਹਾਰੇ
ਕਿਓਂ ਨਾਂ ਤੈਨੂ ਡਿੱਗਦੇ ਨੂੰ ਕੋਈ ਬਾਹੋਂ ਪਕੜ ਖਲ੍ਹਾਰ੍ਹੇ

ਕਿਓਂ ਨੀ ਤੇਰੀ ਸੁੱਖ ਮੰਗਦਾ ਕੋਈ ਕਿਓਂ ਨਾ ਨਜ਼ਰ ਉਤਾਰੇ
ਕਿਓਂ ਨਾ ਤੈਨੂ ਖੁੱਸ ਗਏ ਨੂੰ ਕੋਈ ਵਾਜਾਂ ਮਾਰੇ

ਮੈਂ ਦੱਸਿਆ ਦਿਲ ਲਾਈਆ ਸੀ ਮੈਂ ਬਿਨ ਕੁਜ ਸੋਚ ਵਿਚਾਰੇ
ਦਿਲ ਟੁੱਟਿਆ ਮੇਰਾ,  ਮੈਂ ਗਲਤੀ ਕਰ ਲਈ ਫੇਰ ਦੁਬਾਰੇ

ਕਾਸ਼ ਕਿਤੇ ਮੇਰੀ ਉਲਝੀ ਤਾਣੀ ਅੱਲਾ ਆਪ ਸਵਾਰੇ
ਕਾਸ਼ ਕਿਤੇ ਮੈਨੂ ਮਰਨ ਤੋਂ ਪਹਿਲਾਂ ਮਿਲ ਜਾਣ ਯਾਰ ਪਿਆਰੇ

ਮੈਂ ਓਹੀ ਹਾਂ ਤੂੰ ਜਿਹਦੇ ਪਿੱਛੇ ਨਬਜ਼ਾਂ ਕੱਟੀਆਂ ਸੀ

ਟੁੱਟਦੇ ਤਾਰੇ ਵੇਖ ਕੇ ਜਿਹਣੂ ਮੰਗਦੀ ਹੁੰਦੀ ਸੀ
ਸਾਹਮਣੇ ਗੱਲ ਕਰਨੇ ਤੋਂ ਜਿਹਦੇ ਸੰਗਦੀ ਹੁੰਦੀ ਸੀ
ਮੈਂ ਓਹੀ ਹਾਂ ਜਿਹਨੇ ਤੇਰੇ ਪਿੱਛੇ ਠੋਕਰਾਂ ਖੱਟੀਆਂ ਸੀ
ਮੈਂ ਓਹੀ ਹਾਂ ਤੂੰ ਜਿਹਦੇ ਪਿੱਛੇ ਨਬਜ਼ਾਂ ਕੱਟੀਆਂ ਸੀ

ਉਮਰਾਂ ਤਕ ਸਾਥ ਨਿਭਾਊਂਗੀ ਤੂੰ ਕੀਤਾ ਵਾਦਾ ਸੀ
ਛੱਡ ਗਈ ਸਾਨੂ ਲੋੜ ਤੇਰੀ ਜਦੋਂ ਸਬ ਤੋਂ ਜ਼ਿਆਦਾ ਸੀ
ਮੈਂ ਓਹੀ ਹਾਂ ਤੂੰ ਜਿਹਣੂ ਧੱਕੇ ਦੇ ਕੇ ਕੱਡਿਆ ਸੀ
ਮੈਂ ਓਹੀ ਹਾਂ ਤੂੰ ਜਿਹਣੂ ਅੱਧ ਵਿਚਾਲੇ ਛੱਡਿਆ ਸੀ

ਹੁਣ ਧੱਕੇ ਨਾਲ ਕਿਓਂ ਮੁੜ ਮੁੜ ਸਾਨੂ ਫੇਰ ਬੁਲੌਨੀ ਏ
ਜਾਣ ਬੁੱਝ ਕੇ ਕਾਹਤੋਂ ਹੁਣ ਰਾਹਾਂ ਵਿੱਚ ਔਣੀ ਈ
ਮੈਂ ਓਹੀ ਪੰਛੀ ਹਾਂ ਜਿਹਦੇ ਪਰ ਵੱਡ ਗਈਂ ਬੇਕਦਰੇ
ਮੈਂ ਓਹੀ ਹਾਂ ਜਿਹਣੂ ਪੈਸੇ ਪਿੱਛੇ ਛੱਡ ਗਈਂ ਬੇਕਦਰੇ

ਐਨੀ ਮਾੜੀ ਹਾਲਤ ਵੀ ਨਹੀਂ ਜੱਟਾਂ ਦੀ ਜਿੰਨਾ ਅੱਜ ਦੇ ਗਾਇਕ ਦੱਸੀ ਜਾਂਦੇ ਨੇ

ਪਾਣੀ ਵਿੱਚ ਮਧਾਣੀ ਪਾਈ ਰੱਖਦੇ ਨੇ
ਗੱਲ ਗੱਲ ਦੇ ਨਾਲ ਕਰਦੇ ਲੱਸੀ ਜਾਂਦੇ ਨੇ
ਐਨੀ ਮਾੜੀ ਹਾਲਤ ਵੀ ਨਹੀਂ ਜੱਟਾਂ ਦੀ
ਜਿੰਨਾ ਅੱਜ ਦੇ ਗਾਇਕ ਦੱਸੀ ਜਾਂਦੇ ਨੇ

ਮੰਨਿਆ 20 ਬਦਹਾਲ ਨੇ 10 ਖੁਸ਼ਹਾਲਾਂ ਚ
ਪਰ ਪੈਰ ਨਹੀਂ ਛੱਡਦੇ ਚੰਗੇ ਮਾੜੇ ਹਾਲਾਂ ਚ
ਭਾਣਾ ਮੰਨ ਕੇ ਦਾਤੇ ਦਾ ਦਿਨ ਕੱਡ ਲੈਂਦੇ
ਰੱਬ ਦੀ ਰਜ਼ਾ ਵਿਚ ਸੁਖ ਨਾਲ ਵੱਸੀ ਜਾਂਦੇ ਨੇ
ਐਨੀ ਮਾੜੀ ਹਾਲਤ ਵੀ ਨਹੀਂ ਜੱਟਾਂ ਦੀ
ਜਿੰਨਾ ਅੱਜ ਦੇ ਗਾਇਕ ਦੱਸੀ ਜਾਂਦੇ ਨੇ

ਮੰਨਿਆ ਕੁਜ ਕੋਲ ਬਹੁਤੇ ਪੈਸੇ ਹੁੰਦੇ ਨਹੀਂ
ਪਰ ਹੋਰ ਕੌਮਾਂ ਵਿਚ ਕਿਹੜਾ ਐਸੇ ਹੁੰਦੇ ਨਹੀਂ
ਖਾਣ ਨੂ ਦਾਣੇ ਬਾਬਾ ਨਾਨਕ ਦੇ ਈ ਦਿੰਦਾ ਏ
ਸੱਥਾਂ ਦੇ ਵਿਚ ਬਹਿਕੇ ਹੱਸੀ ਜਾਂਦੇ ਨੇ
ਐਨੀ ਮਾੜੀ ਹਾਲਤ ਵੀ ਨਹੀਂ ਜੱਟਾਂ ਦੀ
ਜਿੰਨਾ ਅੱਜ ਦੇ ਗਾਇਕ ਦੱਸੀ ਜਾਂਦੇ ਨੇ

ਅੱਜ ਦਾ ਜੱਟ ਤਾਂ ਮੁਸ਼ਕਿਲਾਂ ਕੋਲੋਂ ਡਰਦਾ ਈ ਨਹੀਂ
ਰੱਬ ਨਾ ਮਾਰੇ ਬਸ ਵੈਸੇ ਜੱਟ ਮਰਦਾ ਈ ਨਹੀਂ
ਜੈਲੀ ਜਹੇ ਵਿਰਲੇ ਈ ਕਿਦਰੇ ਰਹਿਗੇ ਨੇ
ਗਲ ਦੇ ਵਿੱਚ ਜਿਹੜੇ ਪਾ ਰੱਸੀ ਜਾਂਦੇ ਨੇ
ਐਨੀ ਮਾੜੀ ਹਾਲਤ ਵੀ ਨਹੀਂ ਜੱਟਾਂ ਦੀ
ਜਿੰਨਾ ਅੱਜ ਦੇ ਗਾਇਕ ਦੱਸੀ ਜਾਂਦੇ ਨੇ

ਜਿੱਥੇ ਖੜ ਜਾਈਏ ਲੈਣ ਓਥੋਂ ਈ ਸ਼ੁਰੂ ਸਿੱਖਿਆ ਨੀ ਲੱਗਣਾ ਕਤਾਰਾਂ ਵਿੱਚ ਨੀ

ਗਿਣਤੀ ਏ ਤੇਰੇ ਆਸ਼ਿਕਾਂ ਦੀ ਸੋਹਣੀਏ
ਸੁਣਿਐ ਮੈਂ ਲੱਖਾਂ ਤੇ ਹਜ਼ਾਰਾਂ ਵਿੱਚ ਨੀ
ਜਿੱਥੇ ਖੜ ਜਾਈਏ ਲੈਣ ਓਥੋਂ ਈ ਸ਼ੁਰੂ
ਸਿੱਖਿਆ ਨੀ ਲੱਗਣਾ ਕਤਾਰਾਂ ਵਿੱਚ ਨੀ

ਮੰਨਿਆ ਤੂੰ ਸੂਟ ਵਿੱਚ ਸੋਹਣੀ ਲੱਗਦੀ
ਪਰੀਆਂ ਦੇ ਦੇਸ਼ ਦੀ ਪਰੌਹਣੀ ਲੱਗਦੀ
ਪਰ ਬਹੁਤੇ ਰੂਪ ਤੇ ਨਾ ਮਾਨ ਕਰੀਏ
ਮੁੱਲ ਕਿਤੇ ਮਿਲੇ ਨਾ ਬਾਜ਼ਾਰਾਂ ਵਿੱਚ ਨੀ
ਜਿੱਥੇ ਖੜ ਜਾਈਏ ਲੈਣ ਓਥੋਂ ਈ ਸ਼ੁਰੂ
ਸਿੱਖਿਆ ਨੀ ਲੱਗਣਾ ਕਤਾਰਾਂ ਵਿੱਚ ਨੀ

ਖੁੱਲਾ ਈ ਸੁਭਾ ਤੇਰਾ ਖੁੱਲਾ ਖਰਚਾ
ਚੰਡੀਗੜ੍ਹ ਵਿੱਚ ਤੇਰਾ ਪੂਰਾ ਚਰਚਾ
ਸਾਰੀਆਂ ਸਹੇਲੀਆਂ ਚੋਂ ਟੌਹਰ ਵੱਖਰੀ
ਹੋਵੇ ਜਿਓਂ ਦੁਣਾਲੀ ਤਲਵਾਰਾਂ ਵਿੱਚ ਨੀ
ਜਿੱਥੇ ਖੜ ਜਾਈਏ ਲੈਣ ਓਥੋਂ ਈ ਸ਼ੁਰੂ
ਸਿੱਖਿਆ ਨੀ ਲੱਗਣਾ ਕਤਾਰਾਂ ਵਿੱਚ ਨੀ

ਖੇਡਦਾ ਕਬੱਡੀ ਨਿੱਤ ਪੁੱਤ ਜੱਟ ਦਾ
ਕਿਹੜਾ ਦੱਸ ਫੜ ਲਊਗਾ ਗੁੱਟ ਜੱਟ ਦਾ
ਐਵੇਂ ਤਾਂ ਨਹੀ ਦੂਜੇ ਤੀਜੇ ਦਿਨ ਬੱਲੀਏ
ਛਪਦੀ ਏ ਫੋਟੋ ਅਖਬਾਰਾਂ ਵਿੱਚ ਨੀ
ਜਿੱਥੇ ਖੜ ਜਾਈਏ ਲੈਣ ਓਥੋਂ ਈ ਸ਼ੁਰੂ
ਸਿੱਖਿਆ ਨੀ ਲੱਗਣਾ ਕਤਾਰਾਂ ਵਿੱਚ ਨੀ


ਕੱਲ ਰਾਤੀਂ ਤੇਰੀ ਮਿਸ ਕਾਲ ਆਈ ਸੀ
ਏਫ ਬੀ ਤੇ ਹੇਲੋ ਨਾਲੋ ਨਾਲ ਆਈ ਸੀ
ਟੈਮ ਕੱਡ ਕਿਸੇ ਦਿਨ ਕਾਲ ਕਰੂੰਗਾ
ਅਜੇ ਜੈਲੀ ਬੀਜ਼ੀ ਕਮਾਂ ਕਾਰਾਂ ਵਿੱਚ ਨੀ
ਜਿੱਥੇ ਖੜ ਜਾਈਏ ਲੈਣ ਓਥੋਂ ਈ ਸ਼ੁਰੂ
ਸਿੱਖਿਆ ਨੀ ਲੱਗਣਾ ਕਤਾਰਾਂ ਵਿੱਚ ਨੀ

ਦਿਲ ਵਿੱਚ ਰੱਖਕੇ ਧਿੱਆਨ ਉੱਚੇ ਦਾ
ਆਜੋ ਮੈਂ ਸੁਣਾਵਾਂ ਥੋਨੂ ਕਿੱਸਾ ਸੁੱਚੇ ਦਾ

ਨਿਗ੍ਹਾ ਚਿਰਾਂ ਤੋਂ ਸੀ ਰੱਖੀ ਵੀ ਜਸੂਸ ਨੇ
ਪਾ ਲਏ ਬੰਦੂਕ ਵਿੱਚ ਕਾਰਤੂਸ ਨੇ

ਮਾਰਿਆ ਬੰਦੂਕ ਜਾ ਜੋ ਬੱਟ ਵੱਟ ਕੇ
ਡਿੱਗਿਆ ਘੁੱਕਰ ਵਾਹਵਾ ਪਰੇ ਹਟ ਕੇ

ਹਿੱਕ ਵਿੱਚ ਗੋਲੀ ਠੋਕ ਤੀ ਤੜਾਕ ਜੀ
ਕੋਹਾਂ ਤਕ ਸੁਣੇ ਫੈਰ ਦੇ ਖੜਾਕ ਜੀ

ਔਖਾ ਹੁੰਦਾ ਰੋਕਣਾ ਪਾਣੀ ਦੀ ਛੱਲ ਨੂੰ
ਮਾਰ ਕੇ ਘੁੱਕਰ ਹੋਇਆ ਵੀਰੋ ਵੱਲ ਨੂ

ਗੁੱਤੋਂ ਫੜ ਕਹਿੰਦਾ ਗੱਲ ਸੁਣ ਭਾਬੀਏ
ਹੋਈ ਤੂੰ ਬਸ਼ਰਮ ਕਿਓ ਬੇਹਿਸਾਬੀਏ

ਨਸ਼ਾ ਤੈਨੂ ਬੜਾ ਘੁੱਕਰ ਦੀ ਫੂਕ ਦਾ
ਦੱਬ ਤਾ ਫੇ ਘੋੜਾ ਸੁੱਚੇ ਨੇ ਬੰਦੂਕ ਦਾ

ਵੀਰੋ, ਮੱਲ , ਘੁੱਕਰ ਨੂ ਮਾਰ ਸੂਰਮਾ
ਜੈਲੀ ਕਹਿੰਦਾ ਹੋ ਗਿਆ ਫਰਾਰ ਸੂਰਮਾ

ਲੱਖ ਟੌਮੀ ਗੂਚੀ ਨਾਲ ਟੌਹਰ ਕੱਡ ਲਏ ਪਗ ਤੋਂ ਬਿਨਾ ਨਹੀਂ ਸਰਦਾਰ ਜਚਦਾ

ਚਾਦਰੇ ਤੋਂ ਬਿਨਾ ਕੁੜਤਾ ਨੀ ਜਚਦਾ
ਤੀਵੀਂ ਤੋਂ ਬਿਨਾ ਨੀ ਪਰਵਾਰ ਜਚਦਾ
ਲੱਖ ਟੌਮੀ ਗੂਚੀ ਨਾਲ ਟੌਹਰ ਕੱਡ ਲਏ
ਪੱਗ ਤੋਂ ਬਿਨਾ ਨਹੀਂ ਸਰਦਾਰ ਜਚਦਾ

ਸੂਰਮਿਆਂ ਦੇ ਨਾਮ ਨਾਲ ਜਾਣੇ ਜਾਂਦੇ ਨੇ
ਲੱਖਾਂ ਵਿੱਚੋਂ ਕੱਲੇ ਹੀ ਪਸ਼ਾਣੇ ਜਾਂਦੇ ਨੇ
ਬੰਨੀ ਪਟਿਆਲਾ ਸ਼ਾਹੀ ਚਿਣ ਚਿਣ ਕੇ
ਵੇਖੋ ਮੇਰਾ ਕੱਲਾ ਕੱਲਾ ਯਾਰ ਜਚਦਾ
ਲੱਖ ਟੌਮੀ ਗੂਚੀ ਨਾਲ ਟੌਹਰ ਕੱਡ ਲਏ
ਪੱਗ ਤੋਂ ਬਿਨਾ ਨਹੀਂ ਸਰਦਾਰ ਜਚਦਾ

ਯਾਰਾਂ ਨਾਲ ਪੱਗਾਂ ਹੀ ਵਟਾਈਆਂ ਜਾਂਦੀਆਂ
ਪੱਗਾਂ ਨਾਲ ਦਿੱਤੀਆਂ ਵਧਾਈਆਂ ਜਾਂਦੀਆਂ
ਫਾਂਸੀਆਂ ਦੇ ਰੱਸੇ ਚੁਮ ਚੁਮ ਹੱਸਦਾ
ਭਗਤ, ਸਰਾਭਾ ਕਰਤਾਰ ਜਚਦਾ
ਲੱਖ ਟੌਮੀ ਗੂਚੀ ਨਾਲ ਟੌਹਰ ਕੱਡ ਲਏ
ਪੱਗ ਤੋਂ ਬਿਨਾ ਨਹੀਂ ਸਰਦਾਰ ਜਚਦਾ

ਸਮਝੋ ਨਾ ਕੱਪੜੇ ਦਾ ਥਾਣ ਪਗ ਨੂੰ
ਰੱਖਿਓ ਬਣਾ ਕੇ ਜਿੰਦ ਜਾਣ ਪਗ ਨੂੰ
ਪਗ ਨਾ ਪੰਜਾਬੀ ਦੀ ਪਸ਼ਾਨ ਹੁੰਦੀ ਐ
ਪਗ ਤੋਂ ਬਿਨਾ ਨੀ ਜੈਲਦਾਰ ਜਚਦਾ
ਲੱਖ ਟੌਮੀ ਗੂਚੀ ਨਾਲ ਟੌਹਰ ਕੱਡ ਲਏ
ਪੱਗ ਤੋਂ ਬਿਨਾ ਨਹੀਂ ਸਰਦਾਰ ਜਚਦਾ

ਤਾਂ ਸਮਝ ਲਵੀਂ ਤੈਨੂ ਚੇਤੇ ਕਰਕੇ ਰੋਇਆ ਨੀ

ਜਦੋਂ ਤੇਰੇ ਦਿਲ ਦੇ ਵਿੱਚ ਪਵੇ
ਅਨਜਾਣ ਜਹੀ ਕੋਈ ਖਿੱਚ ਪਵੇ
ਨਾ ਕਿਸੇ ਵੀ ਹਾਲਤ ਜਾਵੇ ਦਰਦ ਲੁਕੋਇਆ ਨੀ
ਤਾਂ ਸਮਝ ਲਵੀਂ ਤੈਨੂ ਚੇਤੇ ਕਰਕੇ ਰੋਇਆ ਨੀ

ਜਦੋਂ ਤਾਰਾ ਕੋਈ ਅੰਬਰੋਂ ਟੁੱਟਦਾ ਵੇਖ ਲਵੇਂ
ਜਦ ਹੰਜੁਆਂ ਵਾਲਾ ਸੋਮਾ ਫੁੱਟਦਾ ਵੇਖ ਲਵੇਂ
ਕਿਸੇ ਓਹਨਾਂ ਈ ਹੰਜੁਆਂ ਵਾਲਾ ਹਾਰ ਪਰੋਇਆ ਨੀ
ਤਾਂ ਸਮਝ ਲਵੀਂ ਤੈਨੂ ਚੇਤੇ ਕਰਕੇ ਰੋਇਆ ਨੀ

ਜਦ ਸੂਰਜ ਕਾਲੇ ਰੰਗ ਦੇ ਚਾਨਣ ਵੰਡੇ ਨੀ
ਕੋਈ ਰੱਬ ਵੱਲ ਵੇਖੇ ਬੈਠ ਨਦੀ ਦੇ ਕੰਡੇ ਨੀ
ਜਦੋਂ ਕਿਸੇ ਵੀ ਦਿਲ ਵਿਚ ਕੋਈ ਸੁਪਨਾ ਮੋਇਆ ਨੀ
ਤਾਂ ਸਮਝ ਲਵੀਂ ਤੈਨੂ ਚੇਤੇ ਕਰਕੇ ਰੋਇਆ ਨੀ

ਤੇਰਾ ਅਕਸ ਜਦੋਂ ਤੈਨੂ ਮੇਰੇ ਵਰਗਾ ਲੱਗੇ ਨੀ
ਹਰ ਸ਼ਖਸ ਜਦੋਂ ਤੈਨੂ ਮੇਰੇ ਵਰਗਾ ਲੱਗੇ ਨੀ
ਜਦੋਂ ਸੁਪਨੇ ਵਿਚ ਤੇਰੇ ਸਾਹਵੇਂ ਆਨ ਖਲੋਇਆ ਨੀ
ਤਾਂ ਸਮਝ ਲਵੀਂ ਤੈਨੂ ਚੇਤੇ ਕਰਕੇ ਰੋਇਆ ਨੀ

ਜਦੋਂ ਦਿਲ ਤੇਰਾ ਕਿਤੋਂ ਜੈਲਦਾਰ ਨੂ ਭਾਲੇ ਨੀ
ਜੋ ਖੁੰਜ ਗਿਆ ਤੈਥੋਂ ਓਸ ਪਿਆਰ ਨੂ ਭਾਲੇ ਨੀ
ਜਦੋਂ ਹਰ ਇੱਕ ਖਤ ਗਿਆ ਹੰਜੁਆਂ ਦੇ ਨਾਲ ਧੋਇਆ ਨੀ
ਤਾਂ ਸਮਝ ਲਵੀਂ ਤੈਨੂ ਚੇਤੇ ਕਰਕੇ ਰੋਇਆ ਨੀ