ਜਦੋਂ ਤੇਰੇ ਦਿਲ ਦੇ ਵਿੱਚ ਪਵੇ
ਅਨਜਾਣ ਜਹੀ ਕੋਈ ਖਿੱਚ ਪਵੇ
ਨਾ ਕਿਸੇ ਵੀ ਹਾਲਤ ਜਾਵੇ ਦਰਦ ਲੁਕੋਇਆ ਨੀ
ਤਾਂ ਸਮਝ ਲਵੀਂ ਤੈਨੂ ਚੇਤੇ ਕਰਕੇ ਰੋਇਆ ਨੀ
ਜਦੋਂ ਤਾਰਾ ਕੋਈ ਅੰਬਰੋਂ ਟੁੱਟਦਾ ਵੇਖ ਲਵੇਂ
ਜਦ ਹੰਜੁਆਂ ਵਾਲਾ ਸੋਮਾ ਫੁੱਟਦਾ ਵੇਖ ਲਵੇਂ
ਕਿਸੇ ਓਹਨਾਂ ਈ ਹੰਜੁਆਂ ਵਾਲਾ ਹਾਰ ਪਰੋਇਆ ਨੀ
ਤਾਂ ਸਮਝ ਲਵੀਂ ਤੈਨੂ ਚੇਤੇ ਕਰਕੇ ਰੋਇਆ ਨੀ
ਜਦ ਸੂਰਜ ਕਾਲੇ ਰੰਗ ਦੇ ਚਾਨਣ ਵੰਡੇ ਨੀ
ਕੋਈ ਰੱਬ ਵੱਲ ਵੇਖੇ ਬੈਠ ਨਦੀ ਦੇ ਕੰਡੇ ਨੀ
ਜਦੋਂ ਕਿਸੇ ਵੀ ਦਿਲ ਵਿਚ ਕੋਈ ਸੁਪਨਾ ਮੋਇਆ ਨੀ
ਤਾਂ ਸਮਝ ਲਵੀਂ ਤੈਨੂ ਚੇਤੇ ਕਰਕੇ ਰੋਇਆ ਨੀ
ਤੇਰਾ ਅਕਸ ਜਦੋਂ ਤੈਨੂ ਮੇਰੇ ਵਰਗਾ ਲੱਗੇ ਨੀ
ਹਰ ਸ਼ਖਸ ਜਦੋਂ ਤੈਨੂ ਮੇਰੇ ਵਰਗਾ ਲੱਗੇ ਨੀ
ਜਦੋਂ ਸੁਪਨੇ ਵਿਚ ਤੇਰੇ ਸਾਹਵੇਂ ਆਨ ਖਲੋਇਆ ਨੀ
ਤਾਂ ਸਮਝ ਲਵੀਂ ਤੈਨੂ ਚੇਤੇ ਕਰਕੇ ਰੋਇਆ ਨੀ
ਜਦੋਂ ਦਿਲ ਤੇਰਾ ਕਿਤੋਂ ਜੈਲਦਾਰ ਨੂ ਭਾਲੇ ਨੀ
ਜੋ ਖੁੰਜ ਗਿਆ ਤੈਥੋਂ ਓਸ ਪਿਆਰ ਨੂ ਭਾਲੇ ਨੀ
ਜਦੋਂ ਹਰ ਇੱਕ ਖਤ ਗਿਆ ਹੰਜੁਆਂ ਦੇ ਨਾਲ ਧੋਇਆ ਨੀ
ਤਾਂ ਸਮਝ ਲਵੀਂ ਤੈਨੂ ਚੇਤੇ ਕਰਕੇ ਰੋਇਆ ਨੀ
No comments:
Post a Comment