Udeekan

ਨੀ ਮੈਂ ਖੇਤਾਂ ਵਿਚ ਬੈਠਾ ਤੈਨੂ ਯਾਦ ਕਰੀ ਜਾਵਾਂ
ਗੱਲਾਂ ਕਰਨ ਹਵਾਵਾਂ,ਮੈਂ ਹੁੰਗਾਰਾ ਭਾਰੀ ਜਾਵਾਂ
ਪੂਛੇ ਚਾਨਣੀ ਕੇ ਕਿਥੇ ਤੇਰੀ ਜਾਂ ਰੁੱਕ ਗਯੀ
ਜਾ ਕਿਤੇ ਮੇਰੇ ਚੰਨ ਵਾਂਗ ਬੱਦਲਾਂ ਚ ਲੁੱਕ ਗਯੀ
ਹੁਣ ਚਾਨਣੀ ਨੂ ਦਵਾਂ ਕੀ ਜਵਾਬ ਦਸਦੇ
ਉਡੀਕਦੇ ਨੂ ਵੇਖ ਤਾਰੇ ਵੀ ਨੇ ਹੱਸਦੇ
ਨੀ ਆਜਾ ਜੈਲੀ ਤੈਨੂ ਪਿਆ ਚਿਰਾਂ ਤੋ ਉਡੀਕਦਾ
ਫਿਰੇ ਤੀਲੇ ਨਾਲ ਨਾਮ ਕੰਧਾਂ ਤੇ ਉਲੀਕਦਾ..................

kisaan

ਮਥੇ ਤੋ ਸਰ੍ਕ੍ਦਾ ਪਸੀਨਾ,
ਮੁਹ ਵਿਚ ਪੈ ਕੇ
ਸਮੇਂ ਦੇ ਲੂਣੇਪਣ ਦਾ ਇਹਸਾਸ ਕਰਾ ਰਿਹਾ ਸੀ,
ਹੜ ਦੇ ਉੱਤਰੇ ਹੋਏ ਪਾਣੀ ਦੇ ਨਿਸ਼ਾਨ ਵੱਟ ਤੇ ਤੇ ਦੇਖ,
ਓਹਦੇ ਮਥੇ ਦੇ ਵੱਟ ਕੁਜ ਘੱਟ ਗਏ ਸੀ,
ਝੋਨੇ ਦੇ ਬੂਟੇ,
ਕਿਸੇ ਮਹਾਮਾਰੀ ਦੌਰਾਨ , ਹਸਪਤਾਲ ਚ ਪਯੇ ਮਰੀਜਾਂ ਵਾਂਗ
ਇੱਕ ਦੂਜੇ ਉੱਤੇ ਡਿੱਗੇ ਪ੍ਯੇ ਸੀ,
ਕੁਜ ਕੁ ਬੂਟੇ ਹਜੇ ਵੀ ਸਮੇਂ ਨਾਲ ਸੰਘਰ੍ਸ਼ ਕਰਕੇ,
ਖੜੇ ਰਹਿਣ ਦਾ ਜਤਨ ਕਰ ਰਹੇ ਸੀ,
ਓ ਲਾਚਾਰ ਅਤੇ ਬੇਬਸ,
ਤਪਦੇ ਸੂਰਜ ਵੱਲ ਵੇਖ ਕੇ ,
ਔਣ ਵਾਲੀ ਕਿਸੀ ਅਗਲੀ ਬਿਪਦਾ ਬਾਰੇ ਸੋਚ ਰਿਹਾ ਸੀ............

Modern Love

ਜੀ ਕਿਹ੍ੜਾ ਕਹਿੰਦਾ ਅਜ ਕਲ ਸਚਾ ਪਿਆਰ ਨਹੀ ਮਿਲਦਾ,
ਦਿਲ ਨਾਲ ਲਬੋ ਲੋਕ ਬਥੇਰੇ ਨੇ ਮਿਲ ਜਾਣੇ,
ਯਾਰ ਖੁਦਾ, ਜੀ ਜਿਹੜੇ ਇਸ਼੍ਕ਼ ਇਬਾਦਤ ਮੰਨਦੇ ਨੇ,
ਜੀ ਦਿਲ ਦੇ ਰੋਗੀ, ਵਰਗੇ ਤੇਰੇ ਮੇਰੇ ਮਿਲ ਜਾਣੇ

ਜੀ ਹੋਇਆ ਕੀ ਸਦੀ ਜੇ 21ਵੀਂ ਦੇ ਵਿਚ ਜੱਮੇ ਆ,
ਜੀ ਫਿਰ ਵੀ ਭੁੱਲੇ ਨਹੀ ਹਾਂ ਅਸ਼ਿਕ ਲੋਕ ਪੁਰਾਣੇ,
ਜੀ ਅੱਜ ਵੀ ਮਿਰਜ਼ੇ ਵਾਂਗਰ ਸਾਹਿਬਾਂ ਦੇ ਲਯੀ ਲਡ਼ ਸਕਦੇ,
ਪਰ ਦਰ ਲਗਦਾ ਜਾਣਾ ਪੈਜੇ ਨਾ ਕਿਤੇ ਥਾਣੇ

ਪਹਿਲਾਂ ਨਾਲ ਕਬੂਤਰ ਹੁਣ ਸੰਦੇਸ ਮੋਬਯਿਲਾਂ ਤੇ
ਨਵੇ ਜ਼ਮਾਨੇ ਨਾਲ ਤਰੀਕੇ ਬਦਲੇ ਜਾਣੇ
ਕਿਥੋ ਲਬਣ ਕਬੂਤਰ ਹੁਣ ਸੰਦੇਸ ਪੁਚੌਣ ਲਯੀ
ਹੁਣ ਤਾ ਮਿਲਣੋ ਹਟ ਗਏ ਜੰਗਲਾਂ ਵਿਚ ਮਰਜਾਨੇ

ਕੇ ਸੱਜਣ ਓਹੀ ਲਬੀਂ ਜਿਸਨੂ ਤੇਰੀ ਸਮਝ ਹੋਵੇ
ਮਤਲਬਖੋਰ ਯਾਰ ਤੇਰੇ ਦੁਖ ਵਿਚ ਕੱਮ ਨਹੀ ਆਣੇ
ਇੱਕ ਰੱਬ ਵਾਂਗਰ ਜੈਲੀ ਯਾਰ ਵੀ ਇਕ ਬਣਾ ਲੇਂ ਜੇ
ਆਖਰੀ ਸਾਹ ਤਕ ਦੇ ਤੇਰੇ ਦੁਖ ਨੇ ਕੱਟੇ ਜਾਣੇ

ਬੂੰਦ ਕੋਈ ਤਰੇਲ ਦੀ ਜਿਓਂ ਸੋਹੰਦੀ ਏ ਗੁਲਾਬ ਤੇ
ਸੋਹੰਦੀ ਮੁਸਕਾਨ ਤੇਰੇ ਚੇਹਰੇ ਲਾਜਵਾਬ ਤੇ

ਹੁਣ ਚਲਦਾ ਨਾ ਵੱਸ ਦਿਲ ਹੋਏ ਨੀ ਬੇਤਾਬ ਤੇ
ਨਾਮ ਤੇਰਾ ਲਿਖ ਤਾ ਮੈਂ ਪਿਆਰ ਦੀ ਕਿਤਾਬ ਤੇ
...
ਜੀ ਸ਼ਾਨ ਜੋ ਹੈ ਖੰਬ ਦੀ ਪਰਿੰਦੇ ਸੁਰਖਾਬ ਤੇ
ਜੀ ਸਤਰੰਗੀ ਚੁੰਨੀ ਦੀ ਹੈ ਸ਼ੌਕਤ ਜਨਾਬ ਤੇ

ਜੀਨੁ ਵੇਖ ਪੈਜੇ ਵੱਟ, ਝੱਟ ਮਥੇ ਮਾਹਤਾਬ ਤੇ
ਸੋਹਣੀ ਨੀ ਕੋਈ ਹੋਣੀ ਤੇਰੇ ਵਰਗੀ ਪੰਜਾਬ ਤੇ

ਦੱਸ ਪਇਆ ਕੀ ਨਕਾਬ ਨੀ ਤੂ ਅਕਲ ਖਰਾਬ ਤੇ
ਇੱਕ ਤੂ ਹੀ ਬੱਸ ਦਿੱਸੇਂ ਜ਼ੈਲਦਾਰ ਦੇ ਖੂਆਬ ਤੇ