ਮੈਂ ਓਹੀ ਹਾਂ ਤੂੰ ਜਿਹਦੇ ਪਿੱਛੇ ਨਬਜ਼ਾਂ ਕੱਟੀਆਂ ਸੀ

ਟੁੱਟਦੇ ਤਾਰੇ ਵੇਖ ਕੇ ਜਿਹਣੂ ਮੰਗਦੀ ਹੁੰਦੀ ਸੀ
ਸਾਹਮਣੇ ਗੱਲ ਕਰਨੇ ਤੋਂ ਜਿਹਦੇ ਸੰਗਦੀ ਹੁੰਦੀ ਸੀ
ਮੈਂ ਓਹੀ ਹਾਂ ਜਿਹਨੇ ਤੇਰੇ ਪਿੱਛੇ ਠੋਕਰਾਂ ਖੱਟੀਆਂ ਸੀ
ਮੈਂ ਓਹੀ ਹਾਂ ਤੂੰ ਜਿਹਦੇ ਪਿੱਛੇ ਨਬਜ਼ਾਂ ਕੱਟੀਆਂ ਸੀ

ਉਮਰਾਂ ਤਕ ਸਾਥ ਨਿਭਾਊਂਗੀ ਤੂੰ ਕੀਤਾ ਵਾਦਾ ਸੀ
ਛੱਡ ਗਈ ਸਾਨੂ ਲੋੜ ਤੇਰੀ ਜਦੋਂ ਸਬ ਤੋਂ ਜ਼ਿਆਦਾ ਸੀ
ਮੈਂ ਓਹੀ ਹਾਂ ਤੂੰ ਜਿਹਣੂ ਧੱਕੇ ਦੇ ਕੇ ਕੱਡਿਆ ਸੀ
ਮੈਂ ਓਹੀ ਹਾਂ ਤੂੰ ਜਿਹਣੂ ਅੱਧ ਵਿਚਾਲੇ ਛੱਡਿਆ ਸੀ

ਹੁਣ ਧੱਕੇ ਨਾਲ ਕਿਓਂ ਮੁੜ ਮੁੜ ਸਾਨੂ ਫੇਰ ਬੁਲੌਨੀ ਏ
ਜਾਣ ਬੁੱਝ ਕੇ ਕਾਹਤੋਂ ਹੁਣ ਰਾਹਾਂ ਵਿੱਚ ਔਣੀ ਈ
ਮੈਂ ਓਹੀ ਪੰਛੀ ਹਾਂ ਜਿਹਦੇ ਪਰ ਵੱਡ ਗਈਂ ਬੇਕਦਰੇ
ਮੈਂ ਓਹੀ ਹਾਂ ਜਿਹਣੂ ਪੈਸੇ ਪਿੱਛੇ ਛੱਡ ਗਈਂ ਬੇਕਦਰੇ