ਹਾਂ ਰੌਸ਼ਨੀ ਅਸਮਾਨ ਵਿਚ ਵਰਤਾ ਦਿਓ ਮੈਨੂ
ਜੇ ਖਾਕ ਹਾਂ ਤੇ ਖਾਕ ਵਿਚ ਮਿਲਾ ਦਿਓ ਮੈਨੂ
ਜੇ ਖ਼ਾਬ ਹਾਂ ਤਾਂ ਖ਼ਾਬ ਨੂ ਬਸ ਖ਼ਾਬ ਰਹਿਣ ਦੋ
ਜੇ ਨੀਂਦ ਵਿਚ ਹਾਂ ਨੀਂਦ ਚੋਂ ਜਗਾ ਦਿਓ ਮੈਨੂ
ਬੀਮਾਰ ਹਾਂ ਤਾਂ ਮਰਜ਼ ਦੀ ਦਵਾ ਕਰੋ ਮੇਰੀ
ਮੈਂ ਪੀਣਾ ਚਾਹੁੰਦਾ ਹਾਂ ਤੁਸੀਂ ਪਲਾ ਦਿਓ ਮੈਨੂ
ਚੰਗਾ ਜੇ ਬੋਲਾਂ ਤਾਂ ਹੀ ਸੁਣਨਾ ਗੱਲ ਜੀ ਮੇਰੀ
ਮਾੜਾ ਜੇ ਬੋਲਾਂ ਜ਼ਿੰਦਾ ਹੀ ਦਫਨਾ ਦਿਓ ਮੈਨੂ
ਜੇ ਜ਼ਿੰਦਗੀ ਮਿਲਣਾ ਨਹੀ ਚਾਹੁੰਦੀ ਤਾਂ ਦਫਾ ਕਰੋ
ਤੁਸੀਂ ਮੌਤ ਨਾਲ ਹੀ ਰੂਬਰੂ ਕਰਵਾ ਦਿਓ ਮੈਨੂ
ਇਹ ਦਿਲ ਮੇਰਾ ਹੈ ਖੇਡਣੇ ਦੀ ਚੀਜ਼ ਨਹੀ ਕੋਈ
ਜੇ ਸਾਂਭ ਨਹੀ ਹੁੰਦਾ ਤਾਂ ਫਿਰ ਪਰ੍ਤਾ ਦਿਓ ਮੈਨੂ
ਜ਼ਿੰਦਗੀ ਨੂ ਲਬਦੇ ਲਬਦੇ ਜ਼ਿੰਦਗੀ ਖਰਚ ਹੋ ਚੱਲੀ
ਕਿੱਥੇ ਮਿਲੂ ਜ਼ਿੰਦਗੀ ਕੋਈ ਦੱਸ ਪਾ ਦਿਓ ਮੈਨੂ
ਨਿਆਣਾ ਹਾਂ ਕਿ ਬਸ ਇਕ ਕਲਮ ਤੇ ਕਾਗਜ਼ ਦਵੋ
ਨਹੀਂ ਦਹਿਸ਼ਤ ਫੈਲੌਨੀ, ਨਾਂ ਤੁਸੀਂ ਅਸਲਾ ਦਿਓ ਮੈਨੂ
ਕਿਓਂ ਜ਼ੁਲਮ ਦੇ ਅੱਗੇ ਮੈਂ ਗੋਡੇ ਟੇਕ ਲਾਂ ਆਪਣੇ
ਜੈਲੀ ਦੇ ਵਾਂਗਰ ਝੂਜਣਾ ਸਿਖਲਾ ਦਿਓ ਮੈਨੂ
No comments:
Post a Comment