ਖੁਦਾ ਤਾਂ ਡਰ ਕੇ ਹੈ ਮੈਖਾਨਿਆਂ ਚ ਜਾ ਬੈਠਾ
ਕਿ ਐਥੇ ਮੰਦਰਾਂ ਦੇ ਵਿਚ ਸ਼ਰਾਬ ਮਿਲਦੀ ਹੈ
ਐਥੇ ਦਿਲ ਦੇ ਨਾਲੋਂ ਜਿਸ੍ਮ ਦੀ ਹੈ ਵਧ ਕੀਮਤ
ਸ਼ਰਾਫਤ ਕੌੜੀਆਂ ਦੇ ਵੀ ਹਿਸਾਬ ਮਿਲਦੀ ਹੈ
ਬੜਾ ਮੁਸ਼ਕਿਲ ਹੈ ਲਬਣਾ ਪਿਆਰ ਤੇ ਭਾਈਚਾਰਾ
ਪਰ ਨਫਰਤ, ਈਰਖਾ ਤਾਂ ਬੇਹਿਸਾਬ ਮਿਲਦੀ ਹੈ
ਮਿਲੂਗਾ ਅਣਖ ਦੀ ਸ਼ਮਸ਼ੀਰ ਨੂ ਵੀ ਜੰਗ ਲੱਗਿਆ
ਤੇ ਐਥੇ ਸੋਚ ਵੀ ਹੋਈ ਖਰਾਬ ਮਿਲਦੀ ਹੈ
ਕਿੱਥੇ ਵਿਰਸਾ ਗੁਆਚਾ ਹੈ, ਕਿਹ੍ੜਾ ਇਤਿਹਾਸ ਸਾਂਭੂ
ਕਬਾੜਖਾਨਿਆਂ ਦੇ ਵਿਚ ਰਬਾਬ ਮਿਲਦੀ ਹੈ
ਜਾ ਜੈਲਦਾਰਾ ਅੱਖਰਾਂ ਨਈ ਢਿੱਡ ਭਰਨਾ
ਰਪਈਏ ਪੰਜ ਚ ਸ਼ਾਇਰੀ ਦੀ ਕਿਤਾਬ ਮਿਲਦੀ ਹੈ
No comments:
Post a Comment