ਰੱਬਾ ਕਣਕਾਂ ਪੱਕੀਆਂ ਤੇ ਮੀਹ ਨਾ ਪਾਵੀਂ
ਉਂਜ ਤਾਂ ਭਾਣਾ ਮੰਨਣਾ ਹੀ ਫ਼ਰਜ਼ ਹੈ ਸਾਡਾ
ਪਰ ਹੱਦੋਂ ਵੀ ਵਧ ਹੋ ਗਿਆ ਹੁਣ ਕਰਜ਼ ਹੈ ਸਾਡਾ
ਜੱਟ ਮਰਜੂਗਾ ਆਸ ਓਹ੍ਦੀ ਨੂ ਫਾਹ ਨਾਂ ਲਾਵੀਂ
ਰੱਬਾ ਕਣਕਾਂ ਪੱਕੀਆਂ ਤੇ ਮੀਹ ਨਾ ਪਾਵੀਂ
ਗਿਣ ਗਿਣ ਕੇ ਦਿਨ ਕੱਡੇ ਪੁਰ ਇੱਕ ਸੌ ਚਾਲੀ
ਡੰਗਰ ਮੇਰੇ ਭੁੱਖੇ ਮੁੱਕੀ ਪਈ ਪਰਾਲੀ
ਅਸੀਂ ਬੱਸ ਆਸਰੇ ਤੇਰੇ ਹੁਣ ਮੁੱਖ ਨਾ ਪਰਤਾਵੀਂ
ਰੱਬਾ ਕਣਕਾਂ ਪੱਕੀਆਂ ਤੇ ਮੀਹ ਨਾ ਪਾਵੀਂ
ਇੱਕ ਤੇਰੀ ਕਿਰ੍ਪਾ ਸਦਕਾ ਹੀ ਜੱਟ ਧੀ ਵਿਔਹਨੀ
ਕੁੱਟ ਛੱਟ ਕੇ , ਵੇਚ ਵੱਟ ਕੇ ਹਾੜੀ ਸੌਨੀ
ਮੇਰੇ ਘਰ ਚੋਂ ਬਾਬਾ ਨਾਨਕਾ ਤੂੰ ਕਦੀ ਨਾ ਜਾਵੀਂ
ਰੱਬਾ ਕਣਕਾਂ ਪੱਕੀਆਂ ਤੇ ਮੀਹ ਨਾ ਪਾਵੀਂ
ਕਰਾਂ ਜੈਲਦਾਰ ਅਰਦਾਸ ਭਲਾ ਸਰਬੱਤ ਦਾ ਮੰਗਾਂ
ਨਾਂ ਰਹੇ ਕੋਈ ਢਿੱਡੋਂ ਭੁੱਖਾ ਨਾ ਕੋਈ ਜਿਸ੍ਮੋਂ ਨੰਗਾ
ਗਊ ਗਰੀਬ ਦੀ ਸੇਵਾ ਸਾਥੋਂ ਆਪ ਕਰਾਵੀਂ
ਰੱਬਾ ਕਣਕਾਂ ਪੱਕੀਆਂ ਤੇ ਮੀਹ ਨਾ ਪਾਵੀਂ
No comments:
Post a Comment