ਤੂੰ ਰੱਬ ਨੂ ਤਾਂ ਧਿਓਨਾ ਏ ਕੇ ਤੈਨੂ ਸੁਰਗ ਮਿਲ ਜਾਵੇ
ਕੇ ਐਹੋ ਜਹੀ ਇਬਾਦਤ ਦੀ ਭਲਾ ਦੱਸ ਕੀ ਜ਼ਰੂਰਤ ਹੈ
ਜੇ ਡਰ ਡਰ ਕੇ ਸ਼ੈਤਾਨਾਂ ਤੋਂ ਖੁਦਾ ਦਾ ਨਾਮ ਲੈਣਾ ਏ,
ਇਹ ਨਹੀ ਪੂਜਾ ਕੇ ਇਹ ਤਾਂ ਬੁਜ਼ਦਿਲਾਨਾ ਇੱਕ ਹਰ੍ਕਤ ਹੈ
ਕੇ ਮੰਨ ਗਲਤੀ ਤੇ ਮੰਗ ਮਾਫੀ, ਇਹਦੇ ਵਿਚ ਹੀ ਭਲਾ ਤੇਰਾ
ਖੁਦਾ ਦੇ ਸਾਹਮਣੇ ਝੁਕਣੇ ਚ ਹੀ ਤੇਰੀ ਸ਼ਰਾਫਤ ਹੈ
ਕਿੰਨਾ ਜਲਵਾਨਸ਼ੀਂ ਹੋਵੇ ਤੂੰ ਭਾਵੇਂ ਆਫ਼ਰੀਂ ਹੋਵੇਂ
ਅਖੀਰੀ ਖਾਕ ਹੋ ਜਾਣਾ ਹੀ ਬਸ ਤੇਰੀ ਹਕੀਕਤ ਹੈ
ਕੇ ਜਾਕੇ ਗੁਰੂਦੁਆਰੇ ਰੱਬ ਤੇ ਜਿਓਂ ਅਹਿਸਾਨ ਕਰਦਾ ਏ
ਐਪਰ ਚਲਿਆ ਤਾਂ ਜਾਂਦਾਂ ਏ ਚਲੋ ਐਨੀ ਗਨੀਮਤ ਹੈ
ਕੇ ਜੈਲੀ ਝੂਠ ਬੋਲੇ ਤਾਂ ਜ਼ਮਾਨਾ ਵਾਹ ਵਾਹੀ ਦਿੰਦੈ
ਜੇ ਸਚ ਬੋਲੇ ਤਾਂ ਸੁਣਦਾ ਨਹੀ ਕੇ ਇਹ ਵੀ ਤਾਂ ਮੁਸੀਬਤ ਹੈ
No comments:
Post a Comment