ਐਨੀ ਮੇਰੀ ਹੈਗੀ ਨੇ ਔਕਾਤ ਮੇਰੇ ਰੱਬਾ
ਕਿੱਥੇ ਮੈਂ ਤੇ ਕਿੱਥੇ ਤੇਰੀ ਬਾਤ ਮੇਰੇ ਰੱਬਾ
ਹੈ ਉੱਚਿਆਂ ਨੂ ਬੱਸ ਉੱਚੀ ਬੋਲਣੇ ਦਾ ਹੱਕ
ਤੇ ਨੀਵੀਆਂ ਤੋਂ ਨੀਵੀਂ ਮੇਰੀ ਜ਼ਾਤ ਮੇਰੇ ਰੱਬਾ
ਕਰੀਂ ਕਿਰ੍ਪਾ ਕੇ ਲੰਗੇ ਤੇਰੇ ਆਸਰੇ ਨਾ ਦਿਨ
ਤੇਰੀ ਓਟ ਥੱਲੇ ਲੰਗੇ ਮੇਰੀ ਰਾਤ ਮੇਰੇ ਰੱਬਾ
ਭਾਵੇਂ ਦਿਲ ਮੇਰਾ ਹੋ ਗਿਆ ਪੱਥਰ ਦੇ ਜੈਸਾ
ਮੇਰੇ ਅੱਖਰਾਂ ਚ ਮੇਰੇ ਜਜ਼ਬਾਤ ਮੇਰੇ ਰੱਬਾ
ਰੱਖੀਂ ਰਹਿਮਤਾਂ ਤੂ ਜੈਲੀ ਜਹੇ ਬੇਅਕਲਾਂ ਤੇ ਸਦਾ
ਹੋਣ ਚੰਗੇ ਚਾਹੇ ਮਾੜੇ ਹੀ ਹਾਲਾਤ ਮੇਰੇ ਰੱਬਾ
No comments:
Post a Comment