ਏਨਾ ਜੰਗਲਾਂ ਪਹਾੜੀਆਂ ਚ ਰੁੱਖਾਂ ਅਤੇ ਝਾੜੀਆਂ ਚ
ਮਹਿਲਾਂ ਅਤੇ ਮਾੜੀਆਂ ਚ ਬੱਚੇ ਦੀਆਂ ਤਾੜੀਆਂ ਚ
ਹਰ ਥਾਂ ਤੇ ਦਿੱਸੇ ਤੇਰਾ ਨੂਰ ਮੇਰੇ ਮਾਲਕਾ
ਚਰਨਾਂ ਤੋਂ ਕਰੀਂ ਨਾ ਤੂੰ ਦੂਰ ਮੇਰੇ ਮਾਲਕਾ
ਦੁੱਖਾਂ ਅਤੇ ਸੁੱਖਾਂ ਵਿਚ ਪੰਛੀਆਂ ਤੇ ਰੁੱਖਾਂ ਵਿਚ
ਬਾਪੂ ਦੇ ਕੰਧਾੜੇ ਉੱਤੇ ਮਾਵਾਂ ਦੀਆਂ ਕੁੱਖਾਂ ਵਿਚ
ਹਰ ਜਗਹ ਤੇ ਤੂੰ ਹਾਜ਼ਰ ਹਜ਼ੂਰ ਮੇਰੇ ਮਾਲਕਾ
ਚਰਨਾਂ ਤੋਂ ਕਰੀਂ ਨਾ ਤੂੰ ਦੂਰ ਮੇਰੇ ਮਾਲਕਾ
ਰੋਸਿਆਂ ਚ ਹਾਸਿਆਂ ਚ ਵੇਹਲਿਆਂ ਚ ਵਾਸਿਆਂ ਚ
ਰੱਜਿਆਂ ਚ ਪੁੱਜਿਆਂ ਚ ਭੁੱਖਿਆਂ ਪਿਆਸਿਆਂ ਚ
ਕੋਈ ਵੀ ਨਾ ਹੋਵੇ ਮਜਬੂਰ ਮੇਰੇ ਮਾਲਕਾ
ਚਰਨਾਂ ਤੋਂ ਕਰੀਂ ਨਾ ਤੂੰ ਦੂਰ ਮੇਰੇ ਮਾਲਕਾ
ਜੱਗ ਤੋਂ ਬੇਗਾਨੇਆਂ ਨੂ ਅਕਲੋਂ ਦੀਵਾਨਿਆਂ ਨੂ
ਸੂਫੀਆਂ ਨੂ ਸੋਫੀਆਂ ਨੂ ਅਤੇ ਪਰਵਾਨਿਆਂ ਨੂ
ਇੱਕੋ ਤੇਰੇ ਨਾਮ ਦਾ ਸਰੂਰ ਮੇਰੇ ਮਾਲਕਾ
ਚਰਨਾਂ ਤੋਂ ਕਰੀਂ ਨਾ ਤੂੰ ਦੂਰ ਮੇਰੇ ਮਾਲਕਾ
ਜੈਲੀ ਜੈਲਦਾਰ ਵਿਚ ਓਹਦੇ ਪਰਵਾਰ ਵਿਚ
ਮਿੱਤਰਾਂ ਤੇ ਬੇਲੀਆਂ ਚ ਸਾਰੇ ਸੰਸਾਰ ਵਿਚ
ਭੋਰਾ ਕੁ ਵੀ ਛੱਡੀਂ ਨਾ ਗਰੂਰ ਮੇਰੇ ਮਾਲਕਾ
ਚਰਨਾਂ ਤੋਂ ਕਰੀਂ ਨਾ ਤੂੰ ਦੂਰ ਮੇਰੇ ਮਾਲਕਾ
No comments:
Post a Comment