ਸੱਚ ਹੈ ਪਰਮਾਤਮਾ
ਸਚ ਹੈ ਉਹਦੀ ਆਤਮਾ
ਇਹ ਸਬ ਤੋਂ ਵੱਡਾ ਸੱਚ ਹੈ
ਨਾ ਸੱਚ ਦਾ ਹੋਣੈ ਖਾਤਮਾ
ਜੀ ਸੱਚ ਕਦੇ ਡਰਦਾ ਨਹੀਂ
ਇਹ ਸੱਚ ਕਦੇ ਹਰਦਾ ਨਹੀਂ
ਸੱਚ ਤੋਂ ਕੋਈ ਪਰਦਾ ਨਹੀਂ
ਸੱਚ ਤੇ ਕੋਈ ਗਰ੍ਦਾ ਨਹੀਂ
ਇਹ ਸੱਚ ਕਦੇ ਮਰਦਾ ਨਹੀ
ਤੇ ਸੱਚ ਬਿਨਾ ਸਰ੍ਦਾ ਨਹੀਂ
ਦਿਲ ਦਾ ਏ ਟੁੱਟਣਾ ਸੱਚ ਹੈ
ਸੱਜਣਾਂ ਤੋਂ ਲੂਟਨਾ ਸੱਚ ਹੈ
ਹੰਜੁਆਂ ਦਾ ਫੁੱਟਣਾ ਸੱਚ ਹੈ
ਦਮ ਦਮ ਦਾ ਘੁਟਣਾ ਸੱਚ ਹੈ
ਜੀ ਮੌਤ ਔਣੀ ਸੱਚ ਹੈ
ਜਿੰਦ ਹੈ ਪਰੌਹਣੀ ਸੱਚ ਹੈ
ਫਿਰ ਨਾ ਥਿਔਣੀ ਸੱਚ ਹੈ
ਮਰ੍ਗਤ ਮਨੌਣੀ ਸੱਚ ਹੈ
ਇਲ੍ਮ ਏ ਖੁਦਾਈ ਸਚ ਹੈ
ਸਿਰ ਮੌਤ ਆਈ ਸੱਚ ਹੈ
ਬੰਦਿਆਂ ਭੁਲਾਈ ਸੱਚ ਹੈ
ਕੁਦਰਤ ਚੇਤਾਈ ਸੱਚ ਹੈ
ਅੱਖੀਆਂ ਨੇ ਲੜਨਾ, ਸੱਚ ਹੈ
ਦੁਨੀਆ ਨੇ ਸੜਣਾ, ਸੱਚ ਹੈ
"ਮੈਂ" ਵਿਚ ਫਨਾ ਹਾਂ ਸੱਚ ਹੈ
ਮੈਂ ਖੁਦ ਖੁਦਾ ਹਾਂ ਸੱਚ ਹੈ
ਅੱਜ ਦਿੱਸ ਰਿਹਾ ਹਾਂ ਸੱਚ ਹੈ
ਕਲ ਹਾਂ ਨਹੀ ਹਾਂ ਸੱਚ ਹੈ
ਜੈਲੀ ਬੇਅਕਲਾ ਸੱਚ ਹੈ
ਨਿਤ ਕਰਦਾ ਨਕਲਾਂ ਸੱਚ ਹੈ
ਐਥੇ ਦਿਲ ਨੇ ਵਿਕਦੇ ਸੱਚ ਹੈ
ਤੇ ਵਿਕਣ ਸ਼ਕਲਾਂ ਸੱਚ ਹੈ
ਰੋਟੀ ਪਕਾ ਲੈ ਸੱਚ ਦੀ
ਸਬਜ਼ੀ ਬਣਾ ਲੈ ਸੱਚ ਦੀ
ਸਾਈਂ ਬਰੂਹਾਂ ਤੇ ਖੜਾ
ਦਾਵਤ ਸਜਾ ਲੈ ਸੱਚ ਦੀ
ਤੇਰੇ ਨਾਲ ਜਾਣਾ ਸੱਚ ਨੇ
ਰੱਬ ਨੂ ਮਿਲਾਣਾ ਸੱਚ ਨੇ
ਤੇਰੀ ਮੈਂ ਨੂ ਖਾਣਾ ਸੱਚ ਨੇ
ਬੰਦਾ ਬਣਾਨਾ ਸੱਚ ਨੇ
No comments:
Post a Comment