ਸਬ ਤੇਰੀਆਂ ਅੱਖਾਂ ਨਾ ਦੁਨੀਆ ਵੇਖਦੇ ਹੋਣੇ
ਮੈਂ ਤੇਰੀਆਂ ਅੱਖਾਂ ਚ ਦੁਨੀਆ ਵੇਖ ਰਿਹਾ ਹਾਂ
ਸਹਿਬਾ ਨੂ ਡਰ, ਵੀਰ ਨਾ ਬਣ ਜਾਵੇ ਨਿਸ਼ਾਨਾ
ਮੈਂ ਮਿਰਜ਼ੇ ਦੇ ਟੁੱਟੇ ਤੀਰ ਕਮਾਂ ਵੇਖ ਰਿਹਾ ਹਾਂ
ਮੇਰਾ ਕ਼ਤਲ ਵੀ ਹੋਯੈ ਅਤੇ ਕਾਤਿਲ ਵੀ ਕੋਲ ਹੈ
ਹਥਿਆਰ ਤੇ ਪਰ ਆਪਣੇ ਨਿਸ਼ਾਂ ਵੇਖ ਰਿਹਾ ਹਾਂ
ਸ਼ਹਿਰਾਂ ਦੇ ਵਾਂਗੂ ਖੁਸ਼੍ਕ ਨਾ ਪਿੰਡਾਂ ਨੂ ਕਰ ਦਵੇ
ਮੈਂ ਪਿੰਡ ਦੇ ਵੱਲ ਨੂ ਔਂਦੀ ਹਵਾ ਦੇਖ ਰਿਹਾ ਹਾਂ
ਸਾਡੇ ਲਈ ਨਹੀਂ ਸੀ ਟੈਮ ਤੇ ਹੋਰਾਂ ਤੋ ਨਹੀ ਫੁਰਸਤ
ਕਿਸ ਭਾਅ ਨੁੰ ਵਿਕ ਰਿਹਾ ਹੈ ਸਮਾਂ ਦੇਖ ਰਿਹਾ ਹਾਂ
ਕਹਿੰਦੇ ਆ ਵੇਖੋ ਜ਼ੁਲਮ ਦੀ ਪਈ ਇੰਤਿਹਾ ਹੁੰਦੀ
ਮੈਂ ਵੀ ਕਹਿ ਦਿੱਤਾ ਹਾਂ ਬਈ ਹਾਂ ਦੇਖ ਰਿਹਾ ਹਾਂ
ਓਹ ਲੱਬਦੀ ਫਿਰ ਰਹੀ ਹੈ ਮੇਨੂ ਐਵੇਂ ਦਰ ਬਦਰ
ਮੈਂ ਦੋਜ਼ਖ ਚ ਬੈਠਾ ਮੌਤ ਦਾ ਰਾਹ ਵੇਖ ਰਿਹਾ ਹਾਂ
ਜੈਲੀ ਨੂ ਨਾ ਛੇੜੋ ਇਹ ਸਮੇਂ ਦਾ ਹੈ ਸਤਾਇਆ
ਓਹ੍ਦੀ ਕਲਮ ਨੂ ਹੁੰਦੇ ਮੈਂ ਜਵਾਂ ਵੇਖ ਰਿਹਾ ਹਾਂ
No comments:
Post a Comment