ਵੇਖਦਾਂ ਹਾਂ ਸਪਨਾ ਜੀ ਹੋਵੇ ਕੋਈ ਆਪਣਾ,
ਸਾਡੀ ਡੁੱਬਦੀ ਬੇੜੀ ਨੂ ਕੋਈ ਕਿਨਾਰਾ ਭੇਜ ਦੇ
ਰੱਬਾ ਸਾਨੂ ਵੀ ਕੋਈ ਜਾਨ ਤੋਂ ਪਿਆਰਾ ਭੇਜ ਦੇ
ਹਾਲੇ ਤਾਂ ਜੀ ਘੁਮਦੇ ਹਾਂ ਅਸੀਂ ਛੜੇ ਛੰਡ
ਸਾਡੀ ਅਮੜੀ ਦੇ ਮੁਹ ਚ ਪੈਣੀ ਕਦੋ ਖੰਡ
ਮੈਨੂ ਵੀ ਤਾਂ ਚਾਅ ਹੋਜੇ ਮੇਰਾ ਵੀ ਵਿਆਹ ਹੋਜੇ
ਕੋਈ ਸਾਡੀ ਸਾਹੇ ਚਿੱਠੀ ਜੈਲਦਾਰਾ ਭੇਜ ਦੇ
ਰੱਬਾ ਸਾਨੂ ਵੀ ਕੋਈ ਜਾਨ ਤੋਂ ਪਿਆਰਾ ਭੇਜ ਦੇ
ਸਾਰੇ ਸੱਜਣਾਂ ਨਾ ਤੁਰਦੇ ਨੇ ਸੱਜ ਸੱਜ ਕੇ
ਅਸੀਂ ਮਰ ਚੱਲੇ ਐਵੇਂ ਰੱਬਾ ਭੱਜ ਭੱਜ ਕੇ
ਅੰਬ ਚੜੀ ਵੇਲ ਵਾਂਗ ਅਸੀਂ ਵੀ ਤੇ ਖੁਸ਼ ਹੋਈਏ
ਕੋਈ ਸਾਡਾ ਵੀ ਤੇ ਜੀਣ ਦਾ ਸਹਾਰਾ ਭੇਜ ਦੇ
ਰੱਬਾ ਸਾਨੂ ਵੀ ਕੋਈ ਜਾਨ ਤੋਂ ਪਿਆਰਾ ਭੇਜ ਦੇ
ਥੱਕ ਗਿਆਂ ਹੁਣ ਜੀ ਮੈਂ ਰਹਿ ਰਹਿ ਕੇ ਇਕੱਲਾ
ਦਿਲ ਦੇ ਸ਼ਹਿਰ ਤਾਹੀਂ ਮੱਚਿਆ ਏ ਹੱਲਾ
ਪਾੜ ਪਾੜ ਵਰਕੇ ਮੈਂ ਭਰ੍ਤੇ ਹਜ਼ਾਰਾਂ
ਕਿਸੇ ਇੱਕ ਖਤ ਦਾ ਤੇ ਕੋਈ ਹੁੰਗਾਰਾ ਭੇਜ ਦੇ
ਰੱਬਾ ਸਾਨੂ ਵੀ ਕੋਈ ਜਾਨ ਤੋਂ ਪਿਆਰਾ ਭੇਜ ਦੇ
ਅਸੀਂ ਵੀ ਵਟਾਈਏ ਕਿਸੇ ਨਾਲ ਛਾਪਾਂ ਛੱਲੇ
ਨਿੱਤ ਰੋਜ਼ ਗਾਰਡਨ ਵਿਚ ਘੁਮਦੇ ਹਾਂ ਕੱਲੇ
ਛੜਿਆਂ ਦੀ ਜੂਨ ਅਸੀਂ ਭੋਗ ਲਈ ਬਥੇਰੀ
ਸਾਡੀ ਖੜੀ ਹੋਈ ਪੀਂਘ ਨੂ ਹੁਲਾਰਾ ਭੇਜ ਦੇ
ਰੱਬਾ ਸਾਨੂ ਵੀ ਕੋਈ ਜਾਨ ਤੋਂ ਪਿਆਰਾ ਭੇਜ ਦੇ
ਬਸ ਏਹੋ ਅਰਦਾਸ ਕਰਦਾ ਹਨ ਹੱਥ ਬੰਨ
ਕੋਈ ਮਹਿੰਦੀ ਵਾਲੇ ਹੱਥਾਂ ਨਾ ਪਕਾਵੇ ਸਾਡੇ ਮੰਨ
ਸਾਨੂ ਵੀ ਕੋਈ ਜੀ ਜੀ ਕਰੇ ਜਦੋਂ ਪਰਤੀਏ ਘਰੇ
ਕੋਈ ਅੰਬਰਾਂ ਤੋ ਲਾਹਕੇ ਇੱਕ ਤਾਰਾ ਭੇਜ ਦੇ
ਰੱਬਾ ਸਾਨੂ ਵੀ ਕੋਈ ਜਾਨ ਤੋਂ ਪਿਆਰਾ ਭੇਜ ਦੇ
ਸਾਡਾ ਵੀ ਤੇ ਹੋਵੇ ਰੱਬਾ ਕਿਸੇ ਨੂ ਫਿਕਰ
ਕਿਸੇ ਦੀ ਯਾਦਾਂ ਚ ਹੋਵੇ ਸਾਡਾ ਵੀ ਜ਼ਿਕਰ
ਅਸੀਂ ਵੀ ਆਖੀਏ ਕਿਸੇ ਨੂ ਦਿਲਜਾਨੀ
ਘਰ ਸ਼ਗਨਾਂ ਦਾ ਜੈਲੀ ਦੇ ਛੁਹਾਰਾ ਭੇਜ ਦੇ
ਰੱਬਾ ਸਾਨੂ ਵੀ ਕੋਈ ਜਾਨ ਤੋਂ ਪਿਆਰਾ ਭੇਜ ਦੇ
No comments:
Post a Comment