ਮੇਰੇ ਨਜ਼ਦੀਕ ਨਾ ਰਹਿਣਾ ਕਿ ਮੈਂ ਸ਼ਰਾਬੀ ਹਾਂ
ਨਾਂ ਮੇਰੇ ਕੋਲ ਹੀ ਬਹਿਣਾ ਕਿ ਮੈਂ ਸ਼ਰਾਬੀ ਹਾਂ
ਕਿ ਹੋਇਆ ਹੁਸ੍ਨ ਦੇ ਮੈਖਾਨਿਆਂ ਚ ਮੈਂ ਬਹਿਨਾਂ
ਮੇਰੇ ਘਰ ਜਾ ਕੇ ਨਾ ਕਹਿਣਾ ਕਿ ਮੈਂ ਸ਼ਰਾਬੀ ਹਾਂ
ਮੈਂ ਵੀ ਕੋਸ਼ਿਸ਼ ਕਰਾਂਗਾ ਚੁੱਪ ਚਪੀਤੇ ਰਹਿਣ ਦੀ
ਤੁਸੀਂ ਵੀ ਚੁੱਪ ਹੀ ਰਹਿਣਾ ਕੇ ਮੈਂ ਸ਼ਰਾਬੀ ਹਾਂ
ਤੁਸੀਂ ਜੇ ਜਾਣਦੇ ਹੋ ਨੈਣ ਚੋਂ ਮਦਿਰਾ ਖਿੰਡੌਣੀ
ਕਿ ਮੈਂ ਵੀ ਜਾਣਦਾਂ ਖਹਿਣਾ ਕਿ ਮੈਂ ਸ਼ਰਾਬੀ ਹਾਂ
ਸਨਮ ਦੀ ਅੱਖ ਚੋਂ ਬੱਸ ਇੱਕ ਵਰਾਂ ਮੈਂ ਪੀ ਲਈ ਹੈ
ਨਸ਼ਾ ਤਾ-ਉਮਰ ਨਹੀ ਲਹਿਣਾ ਕਿ ਮੈਂ ਸ਼ਰਾਬੀ ਹਾਂ
ਬੜੀ ਹੀ ਮੁਫਲਿਸੀ ਵਿਚ ਜੀ ਰਿਹਾਂ ਮੈਂ ਕੀ ਕਰਾਂ
ਮੇਰਾ ਹੈ ਯਾਰ ਹੀ ਗਹਿਣਾ ਕਿ ਮੈਂ ਸ਼ਰਾਬੀ ਹਾਂ
ਹੋਵਾਂਗਾ ਹੋਸ਼ ਵਿਚ ਤੇ ਆਖ ਲਈਂ ਜੋ ਦਿਲ ਕਰੇ ਤੇਰਾ
ਕਿ ਹੁਣ ਇੱਕ ਬੋਲ ਨਹੀ ਸਹਿਣਾ ਕਿ ਮੈਂ ਸ਼ਰਾਬੀ ਹਾਂ
ਪਾ ਪਾ ਪਿਆਰ ਪਿਆਲੇ ਪੀ ਲਿਆ ਪਰਗਟ ਨੇ ਯਾਰੋ
ਇਹਨੇ ਰਗ ਰਗ ਚ ਹੈ ਵਹਿਣਾ ਕਿ ਮੈਂ ਸ਼ਰਾਬੀ ਹਾਂ
ਮੇਰਾ ਸਾਕੀ, ਏ ਸਬ ਰਿੰਦਾਂ,ਹੀ ਨੇ ਬਸ ਏ ਮੇਰੀ ਦੁਨੀਆ
ਮਰੂੰ ਜਦ ਮੈਕਦਾ ਢਹਿਣਾ, ਕਿ ਮੈਂ ਸ਼ਰਾਬੀ ਹਾਂ .... ਜੈਲਦਾਰ ਪਰਗਟ ਸਿੰਘ
No comments:
Post a Comment