ਮੇਰੇ ਦੇਸ਼ ਦੇ ਨੇਤਾ ਵੀ ਨੇ ਯਾਰੋ ਕਮਾਲ ਦੇ
ਤੱਕਦੇ ਤਮਾਸ਼ਾ ਦੇਸ਼ ਦੀ ਪਗੜੀ ਉਛਾਲ ਕੇ
ਮਾਂ ਭਾਰਤੀ ਨੇ ਰੱਖੇ ਨੇ ਕੁੱਤੇ ਜੀ ਪਾਲ ਕੇ
ਰੱਖਣਾ ਜ਼ਰਾ ਦਿੱਲੀ ਚ ਕਦਮ ਦੇਖ ਭਾਲ ਕੇ
ਹੈਰਾਨ ਹਾਂ ਮੈਂ ਦੋਸਤੋ ਇਹਨਾਂ ਦੀ ਚਾਲ ਦੇ
ਜਿਦਰੋਂ ਵੀ ਲੰਗਦੇ ਜਾਂਵਦੇ ਜੇਬਾਂ ਖੰਗਾਲਦੇ
ਇਹਨਾਂ ਕਿਸੇ ਦਿਨ ਧੌਣ ਨੂ ਹੈ ਮਾਰਨਾ ਜੱਫਾ
ਜੋ ਰੱਖੇ ਆਸਤੀਨਾਂ ਚ ਅਸੀਂ ਸੱਪ ਪਾਲ ਕੇ
ਸੋਨੇ ਦੀ ਚਿੜੀ ਪੱਛਮੀ ਬਾਜਾਂ ਨੇ ਘੇਰ ਲੀ
ਏਹੀ ਤੇ ਜ਼ਿੱਮੇਦਾਰ ਨੇ ਜੀ ਏਸ ਹਾਲ ਦੇ
ਪਬਲਿਕ ਵਿਚਾਰੀ ਕਿਓਂ ਨਾ ਇਹ੍ਨਾ ਨੂ ਗਾਲ ਦੇ
ਜੋ ਜਾ ਰਹੇ ਨੇ ਦੇਸ਼ ਦੀ ਨੀਹਾਂ ਨੂ ਗਾਲਦੇ
ਤੂੰ ਦੱਸ ਮੇਨੂ ਰੱਬਾ ਏ ਨੇਤਾ ਕਿਓਂ ਨਹੀ ਮਰਦੇ
ਕਲ ਸੋਚਦਾ ਕਿਰਸਾਨ ਸੀ ਇੱਕ ਬੈਠਾ ਖਾਲ ਤੇ
ਬਿਆਨਬਜ਼ੀ ਕਰਦੇ ਨੇ ਫਿਲਮਾਂ ਦੇ ਵਾਂਗਰਾਂ
ਕੋਈ ਦੇ ਦਵੇ ਇਹ੍ਨਾ ਨੂ ਵੀ ਅਵਾਰ੍ਡ " ਫਾਲਕੇ""
ਇਹਨਾਂ ਦੀ ਹੀ ਹੈ ਰਹਿਮਤ ਤਾਂ ਹੀ ਮੇਰੀ ਬੇਗਮ
ਪੇਟ੍ਰੋਲ ਜਿੰਨੇ ਹੋ ਗਏ ਨੇ ਰੇਟ ਦਾਲ ਦੇ
ਕਦੀ "ਜੋੰਕ" ਦਾ ਵੀ ਪੁੱਛ ਲਵੇ ਮਤਲਬ ਜੇ ਮਾਸਟਰ
ਮੈਂ ਚਾਹਾਂਗਾ ਹਰ ਬੱਚਾ "ਨੇਤਾ" ਦੀ ਮਿਸਾਲ ਦੇ
ਜੈਲਦਾਰਾ ਜਿਹੜੇ ਹੋ ਗਏ ਲੋਭੀ ਨੇ ਮਾਲ ਦੇ
ਦੋਜ਼ਖ ਚ ਆਡਰ ਨਿਕਲੇ ਓਹਦੇ ਇੰਤਕਾਲ ਦੇ
No comments:
Post a Comment