---------------------------------------
ਸਾਡੀ ਜੋੜੀ ਜਚਦੀ ਏ ਮੈਨੂ ਸਬ ਨੇ ਦੱਸਿਆ ਏ
........ਤੂੰ ਮੇਰੀ ਹੋਣਾ ਏ ਮੈਨੂ ਰੱਬ ਨੇ ਦੱਸਿਆ ਏ
--------------------------------------
ਮੁੱਦਤਾਂ ਤੋ ਖਾਲੀ ਸੀ ਮੇਰੇ ਦਿਲ ਦੇ ਵਰਕੇ ਨੀ
ਬਣ ਇਸ਼ਕ ਕਿਤਾਬ ਗਈ ਨਾਂ ਤੇਰਾ ਭਰਕੇ ਨੀ
ਮੈਂ ਤੈਨੂ ਜਿੱਤ ਲਿਆ ਏ ਦਿਲ ਅਪਣਾ ਹਰ ਕੇ ਨੀ
ਜਗ ਸੋਹਣਾ ਲੱਗਦਾ ਏ ਤੇਰੇ ਪਿਆਰ ਦੇ ਕਰਕੇ ਨੀ
ਤੂੰ ਇੱਕ ਤਿਤਲੀ ਵਰਗੀ ਤੂੰ ਇੱਕ ਖੁਸ਼ਫਹਿਮੀ ਜਹੀ
ਤੂੰ ਬਿਲ੍ਕੁਲ ਹੀ ਭੋਲੀ ਕਿਸੇ ਬੱਚੀ ਸਹਿਮੀ ਜਹੀ
ਚੱਲ ਚੰਨ ਤੇ ਲੈ ਜਾਵਾਂ ਤੇਰੀ ਬਾਂਹ ਫੜ ਕੇ ਨੀ
ਜਗ ਸੋਹਣਾ ਲੱਗਦਾ ਏ ਤੇਰੇ ਪਿਆਰ ਦੇ ਕਰਕੇ ਨੀ
ਤੂੰ ਕਿਸੇ ਕਿਤਾਬ ਜਹੀ ਸ਼ਾਇਰ ਦੇ ਖੂਆਬ ਜਹੀ
ਤੂੰ ਥਲ ਵਿੱਚ ਫੁੱਲ ਜੈਸੀ, ਬੰਜਰ ਨੂ ਆਬ ਜਹੀ
ਮਸਾਂ ਜ਼ਿੰਦਗੀ ਲੱਭੀ ਏ ਹਾਏ ਮੈਂ ਮਰ ਮਰ ਕੇ ਨੀ
ਜਗ ਸੋਹਣਾ ਲੱਗਦਾ ਏ ਤੇਰੇ ਪਿਆਰ ਦੇ ਕਰਕੇ ਨੀ
ਕਿਸੇ ਮਾਰੂਥਲ ਵਰਗੀ ,ਕਿਸੇ ਤਪਦੇ ਤੇਲ ਜਹੀ
ਤੇਰੇ ਬਾਜੋਂ ਲੱਗਦੀ ਸੀ ਮੈਨੂ ਜ਼ਿੰਦਗੀ ਜੇਲ ਜਹੀ
ਆਖਿਰ ਸੋਹਣੀ ਮਿਲ ਗਈ ਸੱਤ ਪੱਤਣ ਤਰ ਕੇ ਨੀ
ਜਗ ਸੋਹਣਾ ਲੱਗਦਾ ਏ ਤੇਰੇ ਪਿਆਰ ਦੇ ਕਰਕੇ ਨੀ
ਤੂੰ ਇੱਕ ਅਹਿਸਾਸ ਜਹੀ, ਮਿਲਣੇ ਦੀ ਆਸ ਜਹੀ
ਮੇਰੀ ਰੂਹ ਦਾ ਹਿੱਸਾ ਏ ਤੂੰ ਜਿਸਮ ਤੇ ਮਾਸ ਜਹੀ
ਤੂੰ ਖੁਸ਼ੀ ਜਹੀ ਮਿਲ ਗਈ ਲੱਖਾਂ ਦੁਖ ਜਰ ਕੇ ਨੀ
ਜਗ ਸੋਹਣਾ ਲੱਗਦਾ ਏ ਤੇਰੇ ਪਿਆਰ ਦੇ ਕਰਕੇ ਨੀ
ਸਰਦੀ ਦੀ ਧੁੱਪ ਵਰਗੀ ਨੀ ਤੂੰ ਬਾਰਿਸ਼ ਪਹਿਲੀ ਜਹੀ
ਜੈਲੀ ਨੂੰ ਲੱਗਦੀ ਏ ਤੂੰ ਬਿਲਕੁਲ ਜੈਲੀ ਜਈ
ਤੈਨੂ ਰੱਬ ਮੰਨਿਆ ਏ ਮੈਂ , ਰੱਬ ਤੋਂ ਡਰ ਕੇ ਨੀ
ਜਗ ਸੋਹਣਾ ਲੱਗਦਾ ਏ ਤੇਰੇ ਪਿਆਰ ਦੇ ਕਰਕੇ ਨੀ
No comments:
Post a Comment