ਚੰਗਾ ਹੀ ਬੋਲੋ ਅਗਰ ਬੋਲੋ
ਘੱਟ ਬੋਲੋ, ਮੁਖਤਸਰ ਬੋਲੋ
ਬੁਜ਼ੁਰਗਾਂ ਨਾਲ ਬੋਲੋ ਪਿਆਰ ਦੇ ਨਾਲ
ਹਮੇਸ਼ਾ ਨੀਵੀਂ ਰੱਖ ਕੇ ਨਜ਼ਰ ਬੋਲੋ
ਯਾਰ ਆਖੋ, ਜਿਹੜਾ ਨਾਲ ਚੱਲੇ
ਹਰ ਕਿਸੇ ਨੂ ਨਾ ਹਮਸਫਰ ਬੋਲੋ
ਹੋਣਾ ਸਬਰ ਸਲੂਕ ਵੀ ਜ਼ਰੂਰੀ ਏ
ਚਾਰ ਕੰਧਾਂ ਨੂੰ ਹੀ ਨਾ ਘਰ ਬੋਲੋ
ਦੁਨੀਆ ਤੈਨੂ ਉਂਜ ਵੀ ਜੀਣ ਦੇਣਾ ਨੀ
ਐਵੇਂ ਲੋਕਾਂ ਤੋ ਤੇ ਨਾ ਡਰ ਡਰ ਬੋਲੋ
ਜੇ ਜ਼ਿੰਦਗੀ ਦਾ ਅਸਲ ਮਜ਼ਾ ਲੈਣਾ ਏ
ਫੇਰ ਜੈਲੀ ਵਾਂਗ ਹੋ ਬੇਖਬਰ ਬੋਲੋ
ਜੇ ਮਾਂ ਬੋਲੀ ਨਾਲ ਪਿਆਰ ਬਣਾਈ ਰੱਖਣਾ ਏ
ਅ ਐਪਲ ਦੀ ਥਾਂ ਅ ਅਮ੍ਰਿਤਸਰ ਬੋਲੋ
No comments:
Post a Comment