ਦੱਸ ਅਸੀ ਕੀ ਆਚਾਰ ਪੌਣਾ ਤਿੰਨ ਰੰਗੇ ਦਾ

______
ਕਹਿੰਦੇ 15 ਅਗਸ੍ਤ ਨੂ ਆਜ਼ਾਦੀ ਆਈ ਸੀ
ਸਾਨੂ ਤਾਂ ਨੀ ਮਿਲੀ, ਕਿਸ ਨੇ ਬੁਲਾਈ ਸੀ ?
ਕਿਹ੍ੜਾ ਕਰੂਗਾ ਹਿਸਾਬ ਹੋਏ ਦਿੱਲੀ ਦੰਗੇ ਦਾ
ਦੱਸ ਅਸੀ ਕੀ ਆਚਾਰ ਪੌਣਾ ਤਿੰਨ ਰੰਗੇ ਦਾ

ਆਯਾ ਪਿੰਡ ਵਿਚ ਹੜ, ਗਏ ਕੋਠਿਆਂ ਤੇ ਚੜ
ਸਾਰੀ ਰੂੜ ਗਈ ਫਸਲ,  ਤੇ ਤੂੜੀ ਵਾਲੀ ਧੜ
ਸਾਨੂ ਹੋਏਗਾ ਕਿ ਫਾਇਦਾ ਨੇਤਾ ਉੱਤੋਂ ਲੰਘੇ ਦਾ
ਦੱਸ ਅਸੀ ਕੀ ਆਚਾਰ ਪੌਣਾ ਤਿੰਨ ਰੰਗੇ ਦਾ

ਹੋਇਆ ਭਾਰਤ ਅੱਜ਼ਾਦ ਅਤੇ ਪਾਕ ਸੀ ਆਬਾਦ
ਹੋਇਆ ਦੋਹਾਂ ਵਿਚਕਾਰ ਸੀ ਪੰਜਾਬ ਬਰਬਾਦ
ਕੌਣ ਕਰੂਗਾ ਇਲਾਜ ਏਸ ਸੱਪ ਡੰਗੇ ਦਾ
ਦੱਸ ਅਸੀ ਕੀ ਆਚਾਰ ਪੌਣਾ ਤਿੰਨ ਰੰਗੇ ਦਾ

ਫੜ ਲੱਕੜ ਦੀ ਖੂੰਡੀ ਪੂਰਾ ਦੇਸ਼ ਅੱਗੇ ਲਾਯਾ
ਥੋਡਾ ਬਾਪੂ ਹੈ ਜੇ ਗਾਂਧੀ, ਤੇ ਭਗਤ ਸਾਡਾ ਤਾਯਾ
ਦੱਸੋ ਨੋਟਾਂ ਉੱਤੇ ਕੱਮ ਕਿ ਆ ਐਸੇ ਬੰਦੇ ਦਾ
ਦੱਸ ਅਸੀ ਕੀ ਆਚਾਰ ਪੌਣਾ ਤਿੰਨ ਰੰਗੇ ਦਾ

ਸਾਰਾ ਭਾਰਤ ਸੀ ਗੋਰੇ ਜਦੋਂ ਲੁੱਟ ਲੁੱਟ ਖਾਗੇ
ਖਾਲੀ ਕਰ ਕੇ ਕਟੋਰਾ ਨਹਿਰੂ ਹੱਥ ਸੀ ਫੜਾਗੇ
ਏਦੂੰ ਵਧ ਹੋਰ ਲੁੱਟਣਾ ਕਿ ਦੇਸ਼ ਨੰਗੇ ਦਾ
ਦੱਸ ਅਸੀ ਕੀ ਆਚਾਰ ਪੌਣਾ ਤਿੰਨ ਰੰਗੇ ਦਾ