ਮੁਰਦੇ ਫਿਰ ਤੋਂ ਸਿਰ ਉਠਾਈ ਜਾ ਰਹੇ ਨੇ

ਚਿਣਗਾਂ ਨੂ ਪੱਖੀਆਂ ਝੂਲਾਈ ਜਾ ਰਹੇ ਨੇ
ਬਲਦੀਆਂ ਵਿਚ ਤੇਲ ਪਾਈ ਜਾ ਰਹੇ ਨੇ

ਮੁਰਦੇ ਵੀ ਫੂਕਣ ਤੋ ਜਿਹੜੇ ਡਰ ਰਹੇ ਸੀ
ਅੱਜ ਜੀਂਦਿਆਂ ਨੂ ਅੱਗ ਲਾਈ ਜਾ ਰਹੇ ਨੇ

ਕਿਸ ਤਰਫ ਰਸਤਾ, ਮੰਜ਼ਿਲ ਕਿਸ ਤਰਫ
ਕਿਸ ਤਰਫ ਨੂ ਇਹ ਸ਼ੁਦਾਈ ਜਾ ਰਹੇ ਨੇ

ਜਿਸ ਗਲੇ ਨੂ ਪਾ ਰਹੇ ਗਲਵੱਕੜੀਆਂ ਸੀ
ਸਾੜ ਕੇ ਅੱਜ,   ਟੈਰ  ਪਾਈ ਜਾ ਰਹੇ ਨੇ

ਮਜ਼ਹਬਾਂ ਦੀ ਅੱਗ ਸੇਕਣ ਦੇ ਬਹਾਨੇ ਹੀ
ਏ ਕਈ ਚਰਾਗ਼ਾਂ ਨੂ ਬੁਝਾਈ ਜਾ ਰਹੇ ਨੇ

ਰੋਕ ਲਓ ਜੇ ਰੋਕ ਸਕਦੇ ਹੋ ਇਹ ਮੰਜ਼ਰ
ਮੁਰਦੇ ਫਿਰ ਤੋਂ ਸਿਰ ਉਠਾਈ ਜਾ ਰਹੇ ਨੇ