ਕਵੀਸ਼ਰੀ ਦੇ ਪਿਤਾ, ਬਾਬੂ ਰਜਬ ਅਲੀ ਤੋਂ ਪਰਭਾਵਤ ਅਤੇ ਓਹ੍ਨਾ ਨੂ ਸਮਰਪਤ ਮੇਰੀ ਇੱਕ ਕਾਵ ਰਚਨਾ

ਕੱਡੇ  ਪਕੜ ਬੁਖਾਰ  ਨੂ  ਗਰਦਨੋ ਜੀ
ਹੈ ਨਾ ਅਸਰ ਕੁਨੀਨ  ਦੀ  ਪਿੱਲ ਜੈਸਾ

ਕੋਈ ਖੂਫੀਆ  ਨਾ  ਸਹੇ ਦੇ ਬਿੱਲ ਨਾਲੋ
ਭੈੜਾ ਬਿੱਲ ਨਾ ਚਲਾਨ ਦੇ ਬਿੱਲ ਜੈਸਾ

ਮਿੱਠਾ  ਹੋਰ  ਨਾ ਹੋਵਣਾ ਸ਼ਹਿਦ  ਨਾਲੋਂ
ਕੌੜਾ  ਹੋਰ  ਨਾ  ਬੇਰ  ਦੀ  ਲਿੱਲ ਜੈਸਾ

ਨਾ  ਜੱਗ  ਤੇ  ਹੋਰ  ਨਿਸ਼ਾਨ   ਸੋਹਣਾ
ਗੋਰੀ ਗੱਲ੍ਹ ਤੇ  ਕਾਲੜੇ   ਤਿਲ  ਜੈਸਾ

ਢਾਈਆਂ ਕੋਹਾਂ ਤੋ ਕਰਦੀ ਨਿਸ਼ਾਨਦੇਹੀ
ਕੀਹਨੇ  ਦੂਰ  ਤੋਂ  ਦੇਖਣਾ  ਇੱਲ  ਜੈਸਾ

ਖੱਦਰ ਭਾਰਤ ਤੋਂ ਸੋਹਣਾ ਨਾ ਹੋਰ ਮਿਲਣਾ
ਹੈ ਨਾ ਰੇਸ਼ਮ ਕੋਈ ਚੀਨ  ਦੀ  ਮਿੱਲ  ਜੈਸਾ

ਦੂਰੋਂ  ਬੱਝੇ  ਨਿਸ਼ਾਨਾ  ਜੀ  ਬੰਦੂਕ ਦਾ ਹੀ
ਲੱਗੇ ਨੇੜਿਓਂ ਨਾ ਇੱਟ, ਰੋੜੇ, ਡਿਲ ਜੈਸਾ

ਇਨਫ਼ਿਨੀਟੀ  ਨਾਲੋਂ  ਵਧ  ਕੋਈ  ਨਾ
ਅਤੇ   ਘੱਟ   ਨਾ   ਹੋਵਣਾ   ਨਿੱਲ  ਜੈਸਾ

ਡੂਂਗੀ  ਖਾਈ ਨਾ ਪੇਰੂ ਦੀ ਖਾਈ ਵਾਂਗਰ
ਨਾ ਕੋਈ ਉੱਚਾ ਹਿਮਾਲਿਆ ਹਿੱਲ ਜੈਸਾ

ਸੁੱਚਾ  ਨਾਮ  ਨਾ  ਨਾਨਕ ਤੋਂ ਹੋਰ ਕੋਈ
ਕੋਮਲ ਦਿਲ ਨਾ ਅਮੜੀ ਦੇ ਦਿਲ ਜੈਸਾ

ਸਿਹਤਮੰਦੀ ਨਾ ਸੁਬਹ ਦੀ ਸੈਰ ਨਾਲੋਂ
ਮਾੜਾ ਰੋਗ ਨਾ ਸੁਸਤੀ ਤੇ ਢਿੱਲ ਜੈਸਾ

"ਬਾਬੂ" ਦੀਆਂ ਪੈੜਾਂ ਤੇ ਪੈਰ ਧਰਦਾ
ਜੈਲੀ  ਭੁੱਜ  ਕੇ  ਹੋਵਣਾ ਖਿੱਲ ਜੈਸਾ