ਫੁੱਲ, ਖੁਸ਼ਬੂ, ਝੀਲ, ਤਿਤਲੀ, ਧੁੱਪ, ਮੌਸਮ ਤੇ ਹਵਾ
ਇੱਕ ਤੇਰੇ ਆ ਜਾਣ ਮਗਰੋਂ ਖੁਸ਼ਨੁਮਾ ਨੇ ਹੋ ਗਏ
ਸੌਂ ਗਏ ਅਰਮਾਨ ਸੀ ਜੋ ਸੁੱਕ ਗਏ ਪੱਤੇ ਸੀ ਜੋ
ਪੈੜ ਤੇਰੀ ਪੈ ਗਈ ਤੇ ਫਿਰ ਜਵਾਂ ਨੇ ਹੋ ਗਏ
ਕਦਮ ਤੇਰੇ ਇਸ ਧਰਤ ਦੇ ਜਿਸ ਵੀ ਹਿੱਸੇ ਤੇ ਪਏ
ਕੁਜ ਕੁ ਟੁਕੜੇ ਓ ਜ਼ਮੀਂ ਦੇ ਆਸਮਾਂ ਨੇ ਹੋ ਗਏ
ਚੁੱਪ ਤੇਰੀ ਤੇ ਦਿਲ ਦੇ ਅਰਮਾਂ ਸ਼ੋਰ ਸੀ ਜੋ ਕਰ ਰਹੇ
ਇੱਕ ਤੇਰੇ ਬੋਲਣ ਦੇ ਪਿੱਛੋਂ ਬੇਜ਼ੂਬਾਂ ਨੇ ਹੋ ਗਏ
ਇੱਕ ਕਦਮ ਤੇਰਾ ਸੀ ਵਧਿਆ ਇੱਕ ਕਦਮ ਮੇਰਾ ਵੀ ਸੀ
ਘੱਟ ਫਾਸ੍ਲੇ ਤੇਰੇ ਤੇ ਮੇਰੇ ਦਰਮਿਆਂ ਨੇ ਹੋ ਗਏ
ਇੱਕ ਤੇਰੇ ਇਸ਼ਕੇ ਦਾ ਮਾਰਾ ਜੈਲਦਾਰੀ ਛੱਡ ਗਿਆ
ਗੀਤ ਵੀ ਜੈਲੀ ਦੇ ਸਾਰੇ ਹੁਣ ਫਨਾ ਨੇ ਹੋ ਗਏ
No comments:
Post a Comment