ਮੇਰਾ ਅੰਜਾਮ ਵਿਖਾਇਆ ਜਾ ਰਿਹੈ
ਮੇਰੇ ਡਰ ਨੂ ਵਧਾਇਆ ਜਾ ਰਿਹੈ
ਦਵਾਖਾਨੇ ਦੇ ਵਿਚ ਮੈਨੂ ਬਿਠਾ ਕੇ
ਜ਼ਖਮ ਤੇ ਲੂਣ ਪਾਇਆ ਜਾ ਰਿਹੈ
ਜ਼ਮੀਨ-ਏ-ਇਸ਼ਕ ਨੂ ਬੰਜਰ ਬਣਾ ਕੇ
ਤੇ ਨਾਲੇ ਮੁਸਕੁਰਾਇਆ ਜਾ ਰਿਹੈ
ਤੂਫਾਨਾਂ ਨੂ ਦੇ ਦੇ ਕੇ ਦਾਵਤਾਂ ਜੀ
ਕੇ ਹੁਣ ਲੌ ਨੂ ਬੁਝਾਇਆ ਜਾ ਰਿਹੈ
ਮੇਰੀ ਮਹਿਫਿਲ ਚੋਂ ਅੱਜ ਮੈਨੂ ਹੀ ਕਿਓਂ
ਦੇ ਦੇ ਧੱਕੇ ਭਜਾਇਆ ਜਾ ਰਿਹੈ
ਝੂਠੇ ਜਹੇ ਸਬੂਤਾਂ ਦੀ ਬਿਨਾਹ ਤੇ
ਕਿ ਜੈਲੀ ਨੂ ਫਸਾਇਆ ਜਾ ਰਿਹੈ
ਕਿ ਮੇਰੇ ਕਫਨ ਤੇ ਲਿਖ ਦੇਣਾ ਯਾਰੋ
ਏ ਦੁਨੀਆ ਦਾ ਸਤਾਇਆ ਜਾ ਰਿਹੈ
No comments:
Post a Comment