ਸਮਝਦਾਰ ਨੂੰ ਇੱਕ ਇਸ਼ਾਰਾ ਕਾਫੀ ਹੁੰਦਾ ਏ

ਜ਼ਿੰਦਗੀ ਦੇ ਲਈ ਇੱਕ ਪਿਆਰਾ ਕਾਫੀ ਹੁੰਦਾ ਏ
ਸਮਝਦਾਰ ਨੂੰ ਇੱਕ ਇਸ਼ਾਰਾ ਕਾਫੀ ਹੁੰਦਾ ਏ

ਵਾਰੀ ਵਾਰੀ ਚੁੱਕੀਏ ਰਸਤਾ ਕੱਟ ਹੀ ਜਾਂਦਾ ਏ
ਬੋਝ ਇਸ਼ਕ ਦਾ ਉਂਜ ਤੇ ਕਾਫੀ ਭਾਰਾ ਹੁੰਦਾ ਏ

ਇਸ਼ਕ ਹੀ ਖਾਨਾਂ, ਇਸ਼ਕ ਹੀ ਪੀਨਾ, ਇਸ਼ਕ ਹੀ ਹੋ ਚੱਲਿਆਂ
ਕੀ ਦੱਸਾਂ ਤੈਨੂ ਮੇਰਾ ਕਿੰਜ ਗੁਜ਼ਾਰਾ ਹੁੰਦਾ ਏ

ਖਾਣ ਨੂੰ ਟੁੱਕਰ ਮੌਲਾ ਸਬ ਨੂੰ ਦੇ ਹੀ ਦਿੰਦਾ ਏ
ਇਸ ਧਰਤੀ ਤੇ ਦੱਸੋ ਕੌਣ ਵਿਚਾਰਾ ਹੁੰਦਾ ਏ

ਜੈਲੀ ਤੇਰੀ ਖੈਰ ਸੋਹਣੀਏ ਮੰਗਦਾ ਹੁੰਦਾ ਏ
ਟੁੱਟਦਾ ਜਦ ਕਿਦਰੇ ਵੀ ਕੋਈ ਤਾਰਾ ਹੁੰਦਾ ਏ