ਚਿੜੀਆਂ ਦਾ ਆਹਲਨਾ ਧਰੇਕ ਤੇ

ਕੀ ਕੀ ਹੈ ਕਮਾਇਆ ਤੇ ਕੀ ਹੱਥੋਂ ਹੈ ਗਵਾਇਆ
ਏਹੀ ਸੋਚੀ ਜਾਵਾਂ ਕੱਲਾ ਬੈਠਾ ਲੇਕ ਤੇ
ਯਾਦ ਬੜਾ ਔਂਦਾ ਏ ਜੀ ਵਿਹੜੇ ਵਿਚਕਾਰ ਸੀ ਜੋ
ਚਿੜੀਆਂ ਦਾ ਆਹਲਨਾ ਧਰੇਕ ਤੇ

ਘਰ ਜਿਹੜੀ ਮਿਲਦੀ ਸੀ ਪੱਕੀ ਤੇ ਪਕਾਈ
ਰੋਟੀ ਔਖੇ ਸੌਖੇ ਹੋਕੇ ਹੀ ਪਕਾਈ ਹੋਵੇਗੀ
ਘਰ ਮਿਲ ਜਾਂਦੀ ਸੋ ਜੋ ਰੋਜ਼ ਵੇਲੇ ਸਿਰ
ਰੋਟੀ ਟੈਮ ਨਾਲ ਖਾਈ ਕੇ ਨਾ ਖਾਈ ਹੋਵੇਗੀ
ਤਵੇਆਂ ਦੇ ਉੱਤੇ ਪਿਆ ਜਾਲਦਾ ਈ ਹੱਥ
ਅੱਮੀ ਨੇੜੇ ਨਹੀਂ ਸੀ ਔਣ ਦਿੰਦੀ ਸੇਕ ਤੇ
ਯਾਦ ਬੜਾ ਔਂਦਾ ਏ ਜੀ ਵਿਹੜੇ ਵਿਚਕਾਰ ਸੀ ਜੋ
ਚਿੜੀਆਂ ਦਾ ਆਹਲਨਾ ਧਰੇਕ ਤੇ

ਪੁੱਛਿਆ ਸੀ ਬਾਪੂ ਪੁੱਤਾ ਖੁਸ਼ ਹੈਂ ਕੇ ਨਹੀ
ਮੈਂ ਵੀ ਝੂਠੀ ਮੂਠੀ ਹਾਮੀ ਜਹੀ ਭਾਰੀ ਜਾਂਦਾ ਸੀ
ਦਿੰਦਾ ਸੀ ਦਿਲਾਸੇ ਮੇਰੀ ਖੈਰ ਸੁਖ ਵਾਲੇ
ਝੂਠ ਬੋਲਦਾ ਸੀ ਅੰਦਰੋਂ ਮੈਂ ਡਰੀ ਜਾਂਦਾ ਸੀ
ਕਰਦਾ ਹਾਂ ਆਸ ਬਾਪੂ ਕਰੂ ਵਿਸ਼ਵਾਸ
ਮੇਰੇ ਉੱਤੋਂ ਉੱਤੋਂ ਹੱਸੇ ਹਾਸੇ ਫੇਕ ਤੇ
ਯਾਦ ਬੜਾ ਔਂਦਾ ਏ ਜੀ ਵਿਹੜੇ ਵਿਚਕਾਰ ਸੀ ਜੋ
ਚਿੜੀਆਂ ਦਾ ਆਹਲਨਾ ਧਰੇਕ ਤੇ