ਮੈਂ ਅਸਲੋਂ ਨਸਲੋਂ ਬਾਗੀ ਹਾਂ

ਮੈਂ ਅਸਲੋਂ ਨਸਲੋਂ ਬਾਗੀ ਹਾਂ, ਮੇਰੀ ਬਾਗੀ ਹੈ ਤਲਵਾਰ ਜੀ
ਮੇਰਾ  ਖਾਨਦਾਨ  ਵੀ  ਬਾਗੀ ਏ, ਬਾਗੀ ਨੇ ਮੇਰੇ ਯਾਰ ਜੀ
ਮੇਰੀ ਸੋਚ ਵੀ ਬਾਗੀ ਹੋ ਗਈ ਏ, ਉਂਜ ਸੋਚਣਾ ਹੈ ਬੇਕਾਰ ਜੀ
ਮੇਰਾ  ਰੋਮ ਰੋਮ ਹੀ ਬਾਗੀ ਏ, ਮੈਂ ਬਾਗੀਆਂ ਦਾ ਸਰਦਾਰ ਜੀ
ਮੇਰੀ ਕਲਮ ਨੂ ਵੀ ਹੁਣ ਹੋ ਗਿਆ "ਬਾਗੀ" ਨਾਲ ਪਿਆਰ ਜੀ
ਮੇਰਾ ਭਗਤ ਸਰਾਭਾ ਸੀ ਬਾਗੀ, ਬਾਗੀ ਉਸਦੇ ਹਥਿਆਰ ਜੀ
ਮੇਰਾ ਉਧਮ ਸਿੰਘ ਵੀ ਬਾਗੀ ਸੀ, ਲਂਡਨ ਜਾ ਕਰਦਾ ਵਾਰ ਜੀ
ਮੇਰੇ ਵੱਡ ਵਡੇਰੇ ਬਾਗੀਂ ਸਨ, ਬਾਗੀ ਸਨ ਸਬ ਅਵਤਾਰ ਜੀ
ਮੇਰਾ  ਦਸਮ  ਪਿਤਾ ਵੀ  ਬਾਗੀ ਸੀ, ਬਾਗੀ ਖੰਡੇ ਦੀ ਧਾਰ ਜੀ
ਬਾਗੀ  ਸਨ  ਪੰਜ  ਪਿਆਰੇ  ਵੀ  ਅਰ ਸਾਹਿਬਜ਼ਾਦੇ ਚਾਰ ਜੀ
ਸੀ ਬਾਗੀ ਸਿੰਘ ਹਰੀ ਸਿੰਘ ਦੇ ਬਾਰਾਂ ਵੱਜਣ ਤੇ ਤਿਆਰ ਜੀ
ਮੇਰੀ ਕੌਮ ਦਾ ਗਹਿਣਾ ਨੇ ਬਾਗੀ ਨਾਂ ਕਰਦਾ ਮੈਂ ਹੰਕਾਰ ਜੀ
ਪਰ ਬਾਗੀਆਂ  ਦੇ  ਗਲ ਸੋਹਿੰਦੇ ਨੇ, ਬਲਦੇ ਟੈਰਾਂ ਦੇ ਹਾਰ ਜੀ
ਏਨਾ  ਬਾਗੀਆਂ ਨੇ ਹੀ ਬਚ ਜਾਣਾ, ਜਦ ਪਈ ਸਮੇਂ ਦੀ ਮਾਰ ਜੀ
ਜਿਹਿਨੂ ਕਹਿਣ ਆਜ਼ਾਦੀ ਪਾ ਰੌਲਾ, ਓ ਬਾਗੀਆਂ ਦਾ ਉਪਕਾਰ ਜੀ
ਹੈ   ਠੰਡੇ   ਮੁਲ੍ਕਾਂ  ਵਾਲਿਆਂ  ਲਈ  ਮੇਰਾ ਬਾਗੀ ਸਭਿਆਚਾਰ ਜੀ
ਹੁਣ   ਜੈਲਦਾਰ   ਬਾਗੀ  ਬਨਣਾ,  ਕਿ  ਕਰ  ਲਉਗਾ  ਸੰਸਾਰ ਜੀ