ਆਜਾ ਸੰਘਣਾ ਪਿਆਰਾਂ ਵਾਲਾ ਰੰਗ ਡੋਲ ਲੈ

ਹੋਲੀ ਜਹੇ ਹਾਲਾਤ, ਰੰਗ ਰੰਗੇ ਜਜ਼ਬਾਤ
ਲੈ ਖਿਆਲਾਂ ਦੀ ਪਰਾਤ, ਵਿਚ ਰੰਗ ਘੋਲ ਲੈ
ਥੋੜਾ ਮੇਰੇ ਉੱਤੇ ਸੁੱਟ, ਥੋੜਾ ਪਾ ਲੈ ਆਪਣੇ ਤੇ
ਆਜਾ ਸੰਘਣਾ ਪਿਆਰਾਂ ਵਾਲਾ ਰੰਗ ਡੋਲ ਲੈ

ਹੋਇਆ ਸੁਰਖ਼ ਗੁਲਾਬੀ ਰੰਗ ਸੰਗ ਨਾਲ ਨੀ
ਦੇਖ ਖੇਡਦੀ ਹਵਾ ਵੀ ਤੇਰੇ ਰੰਗ ਨਾਲ ਨੀ
ਕਾਹਤੋਂ ਬੈਠੀ ਚੁਪ ਚੁਪ ਕੁਜ ਤੂੰ ਵੀ ਬੋਲ ਲੈ
ਆਜਾ ਸੰਘਣਾ ਪਿਆਰਾਂ ਵਾਲਾ ਰੰਗ ਡੋਲ ਲੈ

ਦੇਖ ਹਾਸੇ ਤੇਰਾ ਰਸਤਾ ਪਏ ਨੇ ਤੱਕਦੇ
ਭੌਰੇ ਚੁਣ ਚੁਣ ਫੁੱਲ ਪੈਰਾਂ ਥੱਲੇ ਰਖਦੇ
ਜਿਹੜੀ ਬੰਨੀ ਆ ਉਦਾਸੀ ਵਾਲੀ ਗਂਡ ਖੋਲ ਲੈ
ਆਜਾ ਸੰਘਣਾ ਪਿਆਰਾਂ ਵਾਲਾ ਰੰਗ ਡੋਲ ਲੈ

ਵੇਖ ਆਸਾਂ ਵਾਲੇ ਵਿਹੜੇ ਚ ਗੁਲਾਲ ਉੱਡਦੇ ਨੂ
ਤੇਰੇ ਨੱਚਦੀ ਦੇ ਵੇਖ ਨਾਲ ਨਾਲ ਉੱਡਦੇ ਨੂ
ਜ਼ੈਲਦਾਰ ਦੀ ਤੂ ਗੱਲ ਇੱਕ ਵਾਰ ਗੌਲ ਲੈ
ਆਜਾ ਸੰਘਣਾ ਪਿਆਰਾਂ ਵਾਲਾ ਰੰਗ ਡੋਲ ਲੈ