ਸਜ਼ਾ ਹੋਵੇ.

ਮੈਂ ਚਾਹੁਣਾ ਹਾਂ, ਕੇ ਅੱਜ ਹੀ, ਜ਼ਿੰਦਗੀ ਦਾ ਫੈਸਲਾ ਹੋਵੇ
ਬੜੇ ਮੈਂ ਜੁਰਮ ਕੀਤੇ ਨੇ, ਮੈਂ ਮੁਲਜ੍ਮ ਹਾਂ, ਸਜ਼ਾ ਹੋਵੇ.


ਤੁਸੀ ਦੇ ਦੇ ਤਸੀਹੇ, ਰੂਹ ਮੇਰੀ ਨੂ, ਮਾਰ ਹੀ ਛੱਡੋ
ਸਪੁਰ੍ਦ-ਏ-ਖਾਕ ਕਰ੍ਦੋ, ਕੇ ,ਖੁਦਾ ਦਾ ਵਾਸ੍ਤਾ ਹੋਵੇ

ਨਾ ਮੇਰੀ ਸਾਡ਼ਨਾ ਅਰਥੀ, ਨਾ ਕਰਨਾ ਕਬਰਸਰ ਮੈਨੂ
ਕੇ ਐਨੀ ਦੂਰ ਸੁੱਟੋ, ਰੂਹ ਵੀ ਜਿਥੇ, ਲਾਪਤਾ ਹੋਵੇ

ਜਿੰਨਾ ਚਿਰ ਹੋਰ ਜੀਵਂਗਾ, ਮੈਂ ਕਰਨੇ, ਜੁਰ੍ਮ ਹੀ ਤੇ ਨੇ
ਨਾ ਮੇਰੇ ਤੇ ਤਰਸ ਖਾਓ, ਨਾ ਮੇਰੇ ਤੇ ਦਇਆ ਹੋਵੇ


ਮੈਂ ਹਓਮੈ ਦਾ ਮੁੱਜਸਮਾ ਹਾਂ, ਮੈਂ ਗਠ੍ੜੀ ਪਾਪ ਵਾਲੀ ਹਾਂ
ਕੇ "ਮੈਂ" ਨੂ ਲਾ ਦਵੋ ਫਾਹੇ, ਮਨੁਖ੍ਤਾ ਦਾ ਭਲਾ ਹੋਵੇ


ਮੇਰੀ ਤਸਵੀਰ ਉੱਤੇ, ਹਾਰ, ਮੇਰੀ "ਮੈਂ" ਦਾ ਹੀ ਪਾ ਕੇ
ਤੇ ਟੰਗਣਾ ਉਸ ਜਗਾਹ ਜਿਥੇ ਜਮਾਨਾ ਵੇਖਦਾ ਹੋਵੇ 

ਕੇ ਓਹਨੂ ਜੱਮਨ ਤੋ ਪਹਿਲਾਂ ਹੀ, ਕਰ ਦੇਣਾ, ਦਫਨ ਯਾਰੋ
ਕਿਤੇ ਕੋਈ ਜ਼ੈਲਦਾਰ,ਪੈਦਾ ਜੇ ਹੁੰਦਾ, ਦਿਸ ਰਿਹਾ ਹੋਵੇ