ਮੈਂ ਕੌਣ ਹਾਂ
ਮੈਂ ਕੌਣ ਹਾਂ
ਕੋਈ ਠੱਲ ਹਾਂ ਜਾਂ
ਮੈਂ ਪੌਣ ਹਾਂ
ਨਿੱਤ ਆਪਣੇ ਆਪ ਨੂ ਲਬਦਾ ਹਾਂ
ਬੜਾ ਭੱਜਦਾ ਹਾਂ ਬੜਾ ਯੱਬਦਾ ਹਾਂ
ਨਿੱਤ ਭੁੰਨ ਭੁੰਨ ਸਾਹ ਮੈਂ ਚੱਬਦਾ ਹਾਂ
ਟਿਕ ਬੈਠਣ ਹਾਂ ਜਾ ਭੌਨ ਹਾਂ
ਮੈਂ ਕੌਣ ਹਾਂ
ਮੈਂ ਹੋਸ਼ ਚ ਹਾਂ ਜਾਂ ਸੁੱਤਾ ਹਾਂ
ਬੇਮੌਸਮ ਜਾਂ ਬਹੁਰੁੱਤਾ ਹਾਂ
ਹਾਂ ਅੱਧਾ ਜਾਂ ਸਾਬੁੱਤਾ ਹਾਂ
ਮੈਂ ਜਾਗਣ ਹਾਂ ਜਾਂ ਸੌਨ ਹਾਂ
ਮੈਂ ਕੌਣ ਹਾਂ
ਮੈਂ ਬੜਬੋਲਾ ਹਾਂ ਜਾ ਚੁੱਪ ਹਾਂ
ਠੰਡੀ ਛਾਂ ਜਾਂ ਤੱਤੀ ਧੁੱਪ ਹਾਂ
ਜਾਂ ਭਾਵਨਾਵਾਂ ਦਾ ਮੈਂ ਕੁੱਪ ਹਾਂ
ਸਾਆਵਾਜ਼ਾ ਜਾ ਮੌਨ ਹਾਂ
ਮੈਂ ਕੌਣ ਹਾਂ
ਮੈਂ ਵਿਚ ਖੁਸ਼ੀ ਜਾਂ ਵਿਚ ਗਮ ਹਾਂ
ਅਧਿਆਤਮ ਜਾਂ ਪਰਮਾਤਮ ਹਾਂ
ਮੈਂ ਦੇਵਤਾ ਹਾਂ ਜਾ ਮੈਂ ਜਮ ਹਾਂ
ਮੈਂ ਵਾਜਾ ਹਾਂ ਜਾ ਗੌਣ ਹਾਂ
ਮੈਂ ਕੌਣ ਹਾਂ
ਮੈਂ ਕੌਣ ਹਾਂ ? ਜਾਂ ਮੈਂ "ਕੌਂਣ" ਹੀ ਹਾਂ
ਹਾਂ ਮਰਨ ਜਾਂ ਸਿਰ੍ਫ ਜਿਓਨ ਹੀ ਹਾਂ
ਇਹ ਮੈਂ ਹਾਂ ਜੋ ਹਰ ਸ਼ੈ ਵਿਚ ਹੈ
ਬਸ "ਤੁੰ" ਹੀ ਹੈ ਜੋ ਮੈਂ ਵਿਚ ਹੈ
ਸੁਣ ਜ਼ੈਲਦਾਰ ਤੂ ਅਕਲਹੀਣ
ਜਦ ਮੈਂ ਹੋਈ ਤੂੰ ਦੇ ਵਿਚ ਲੀਨ
ਫੇਰ ਸਮਝ ਆਯੀ "ਮੈਂ" , "ਤੂੰ" ਹੀ ਹਾਂ
ਫੇਰ ਸਮਝ ਆਯੀ "ਮੈਂ" , "ਤੂੰ" ਹੀ ਹਾਂ
No comments:
Post a Comment