ਗੱਲ ਦਿਲ ਦੇ ਵਿਚ ਜੋ ਰਹਿ ਗਯੀ ਸੀ
ਜੇ ਦਸ ਦਿੰਦਾ ਤਾਂ ਚੰਗਾ ਸੀ
ਤੇਰੀ ਸੂਰਤ ਦਿਲ ਵਿਚ ਲਹਿ ਗਾਯੀ ਸੀ
ਜੇ ਦੱਸ ਦਿੰਦਾ ਤਾ ਚੰਗਾ ਸੀ
ਤੇਰੇ ਚਾਹੁਣ ਵਾਲਿਆਂ ਦੀ ਦੁਨੀਆ ਵਿਚ
ਕਿ ਦੱਸੀਏ ਕਿਥੇ ਰਹਿੰਦੇ ਸੀ
ਮੈਨੂ ਮੇਰੇ ਆੜੀ ਦਸਦੇ ਨੇ
ਨੀ ਤੈਨੂ ਜੈਲਦਾਰਨੀ ਕਹਿੰਦੇ ਸੀ
ਤੇਰੀ ਸੂਰਤ ਦਿਲ ਵਿਚ ਲਹਿ ਗਾਯੀ ਸੀ
ਜੇ ਦੱਸ ਦਿੰਦਾ ਤਾ ਚੰਗਾ ਸੀ
ਇਕ ਪਰਕਟਿਆ ਜਿਹਾ ਪੰਛੀ ਮੈਂ
ਤੈਨੂ ਚੰਨ ਸਮਝ ਕੇ ਤੱਕਦਾ ਸੀ
ਸੀ ਪਤਾ ਕਦੇ ਫੜ ਸਕਦਾ ਨਹੀ
ਤਾਵੀਂ ਫੜਨੇ ਨੂ ਹਥ ਚੱਕਦਾ ਸੀ
ਮੇਰੀ ਸਧਰਾਂ ਦੀ ਕੰਧ ਢਹਿ ਗਾਯੀ ਸੀ
ਜੇ ਦੱਸ ਦਿੰਦਾ ਤਾਂ ਚੰਗਾ ਸੀ
ਖੌਰੇ ਕੀ ਕੀ ਕਹਿਣਾ ਚਾਹਿਯਾ ਸੀ
ਪਰ ਕਹਿਣਾ ਹੀ ਨਹੀ ਆਯਾ ਸੀ
ਮੈਂ ਗੁੱਟ ਦੇ ਉੱਤੇ ਨਾਮ ਤੇਰਾ
"ਜੈਲੀ" ਦੇ ਨਾਲ ਲਿਖਾਇਆ ਸੀ
ਤੇਰੀ ਯਾਦ ਜ਼ੇਹਨ ਵਿਚ ਬਹਿ ਗਾਯੀ ਸੀ
ਜੇ ਦਸ ਦਿੰਦਾ ਤੇ ਚੰਗਾ ਸੀ
ਅਸੀਂ ਸੋਚਿਆ ਸੀ ਕੇ ਨਾਲ ਤੇਰੇ
ਇੱਕ ਰਿਸ਼ਤਾ ਪਾਕ ਬਨਾਵਾਂਗੇ
ਜਿਹਦੀ ਮੁੱਦਤਾਂ ਤਾਯੀਂ ਸਾਂਝ ਰਹੇ
ਇੱਕ ਐਸਾ ਸਾਕ ਬਨਾਵਾਂਗੇ
ਓ ਰੀਝ ਸੀ ਰੀਝ ਹੀ ਰਹੀ ਗਯੀ ਸੀ
ਜੇ ਦੱਸ ਦਿੰਦਾ ਤਾਂ ਚੰਗਾ ਸੀ
"" ਤੂ ਮੋਤੀ ਉਚੇਯਾ ਮਹਿਲਾਂ ਦਾ
ਅਸੀ ਵਾਂਗਰ ਕਾਲਖ ਚੁਲ੍ਹਾਂ ਤੇ
ਮੰਗ ਬੇਔਕਾਤੀ ਮੰਗ ਬੈਠੈਂ
ਹੁਣ ਹੱਸੇਂ ਕੀਤੀਆਂ ਭੁੱਲਾਂ ਤੇ""
ਮੈਨੂ ਨਾਉੱਮੀਦੀ ਕਹਿ ਗਯੀ ਸੀ
ਜੇ ਦੱਸ ਦਿੰਦਾ ਤੇ ਚੰਗਾ ਸੀ
ਤੂ ਮੇਰੀ ਕਿਸਮਤ ਵਿਚ ਨਹੀ ਸੀ
ਬਦਕਿਸਮਤ ਜਾਂ ਬਿਨ ਕਿਸਮਤ ਸੀ
ਜਾਂ ਜ਼ੈਲਦਾਰ ਨੂ ਦੁਖ ਦੇਣਾ
ਅਣਹੋਣੀ ਦੀ ਜਿਓਂ ਫਿਤਰਤ ਸੀ
ਜਿੰਦ ਪੀੜ ਹਿਜਰ ਦੀ ਸਹੀ ਗਯੀ ਸੀ
ਜੇ ਦੱਸ ਦਿੰਦਾ ਤੇ ਚੰਗਾ ਸੀ
No comments:
Post a Comment