Friday, May 1, 2015

ਸੁਣ ਲਓ ਗੱਲ ਸੌਲਾਂ ਆਨੇ
ਪਰਖੀ ਹੈ ਕੁੱਲ ਜ਼ਮਾਨੇ
ਲੱਗਦਾ ਹੈ ਤੀਰ ਨਿਸ਼ਾਨੇ
ਅੱਖ ਜਿਹੜਾ ਦੱਬਦਾ ਜੀ
ਮੁੱਡ ਤੋਂ ਹੀ ਵੈਰ ਰਿਹਾ ਏ, ਅੱਤ ਦਾ ਤੇ ਰੱਬ ਦਾ ਜੀ

ਮਾਂ ਪਿਓ ਦੀ ਸੇਵਾ ਕਰੀਏ, ਨਾਲੇ ਖੁਸ਼ ਤੀਵੀਂ ਰੱਖੀਏ
ਘਰ ਵਿੱਚ ਧੀ ਭੈਣ ਜੇ ਹੋਵੇ ਬਾਹਰ ਅੱਖ ਨੀਵੀਂ ਰੱਖੀਏ
ਪਾਣੀ ਤਾਂ ਆਖਿਰ ਬੰਦਿਆ ਨੀਵੇਂ ਨੂ ਵੱਗਦਾ ਜੀ
ਮੁੱਡ ਤੋਂ ਹੀ ਵੈਰ ਰਿਹਾ ਏ, ਅੱਤ ਦਾ ਤੇ ਰੱਬ ਦਾ ਜੀ

ਹੱਕ ਦੀ ਏ ਖਾਂਦਾ ਤਾਹੀਂ ਵੱਸਦਾ ਏ ਗਗਨ ਕੋਕਰੀ
ਕੰਨ ਲਾ ਕੇ ਸੁਣ ਲਓ ਗੱਲ ਨੂੰ ਦੱਸਦਾ ਏ ਗਗਨ ਕੋਕਰੀ
ਸੰਧੂ ਤਾਂ ਹੱਥ ਜੋੜ ਕੇ ਮੰਗਦਾ ਭਲਾ ਸਬ ਦਾ ਜੀ
ਮੁੱਡ ਤੋਂ ਹੀ ਵੈਰ ਰਿਹਾ ਏ, ਅੱਤ ਦਾ ਤੇ ਰੱਬ ਦਾ ਜੀ

ਚੜ੍ਹਦਾ ਨਹੀ ਸਿਰੇ ਕੋਈ ਕੱਮ ਦਿਲ ਦੇ ਵਿੱਚ ਖੋਟ ਜੇ ਹੋਵੇ
ਕੱਮ ਕੋਈ ਵੀ ਨਹੀ ਰੁਕਦਾ ਮਾਲਕ ਦੀ ਓਟ ਜੇ ਹੋਵੇ
ਮਾਂ ਪਿਓ ਦੇ ਚਰਨਾਂ ਦੇ ਵਿੱਚ ਹੀ ਤਾਂ ਰੱਬ ਲਬਦਾ ਜੀ
ਮੁੱਡ ਤੋਂ ਹੀ ਵੈਰ ਰਿਹਾ ਏ, ਅੱਤ ਦਾ ਤੇ ਰੱਬ ਦਾ ਜੀ

ਕੱਮ ਨਹੀ ਕੋਈ ਚੰਗਾ ਹੁੰਦਾ, ਮਾੜੀ ਜੇ ਨੀਅਤ ਰੱਖੀਏ
ਮਨ ਨੀਵਾਂ ਮੱਤ ਉੱਚੀ ਤੇ ਸੁੱਚੀ ਸ਼ਖਸੀਅਤ ਰੱਖੀਏ
ਡਿੱਗਿਆ ਨਹੀਂ ਮੁੜਦਾ ਉੱਠ ਕੇ , ਹੱਕ ਜਿਹੜਾ ਦੱਬਦਾ ਜੀ
ਮੁੱਡ ਤੋਂ ਹੀ ਵੈਰ ਰਿਹਾ ਏ, ਅੱਤ ਦਾ ਤੇ ਰੱਬ ਦਾ ਜੀ

ਸਿਖ ਲਓ ਭਾਵੇਂ ਸੌ ਤਕਨੀਕਾਂ, ਲੇਕਿਨ ਇਤਿਹਾਸ ਨਾ ਭੁੱਲੋ
ਲੱਖ ਭਾਵੇਂ ਮਾਡਨ ਹੋਜੋ  , ਕਰਨੀ ਅਰਦਾਸ ਨਾ ਭੁੱਲੋ
ਬਣ ਗਿਆ ਏ ਜੈਲਦਾਰ ਲਈ ਮਸਲਾ ਏ ਪੱਗ ਦਾ ਜੀ
ਮੁੱਡ ਤੋਂ ਹੀ ਵੈਰ ਰਿਹਾ ਏ, ਅੱਤ ਦਾ ਤੇ ਰੱਬ ਦਾ ਜੀ

No comments:

Post a Comment