ਸੱਜਣਾਂ ਇਹ ਕੋਈ ਚੱਜ ਤੇ ਨਹੀਂ ਨਾ

ਸੱਜਣਾਂ ਇਹ ਕੋਈ ਚੱਜ ਤੇ ਨਹੀਂ ਨਾ
ਛੱਡਣ ਦਾ ਇਹ ਪੱਜ ਤੇ ਨਹੀਂ ਨਾ

ਤੀਲਾ ਤੀਲਾ ਕਰਕੇ ਰੱਖਤਾ
ਦਿਲ ਸੀ ਮੇਰਾ ਛੱਜ ਤੇ ਨਹੀਂ ਨਾ

ਇਹ ਨਾ ਸੋਚੀਂ ਮਰਜੂੰਗਾ ਮੈਂ
ਕੱਲ ਰੋਇਆ ਸਾਂ ਅੱਜ ਤੇ ਨਹੀਂ ਨਾ

ਪੀੜਾਂ ਦੇ ਕੇ ਉੱਤੋਂ ਹੱਸਣੈਂ
ਤੈਨੂ ਔਂਦੀ ਲੱਜ ਤੇ ਨਹੀਂ ਨਾ

ਤੇਰੇ ਪਿੱਛੇ ਖੱਜਲ ਹੋਵਾਂ
ਦਰਸ਼ਨ ਤੇਰਾ ਹੱਜ ਤੇ ਨਹੀਂ ਨਾ

ਜਿੱਦਰ ਹਿੱਕੇਂ ਓਦਰ ਤੁਰ ਪਾਂ 
ਬੰਦਾ ਹਾਂ ਮੈਂ ਮੱਜ ਤੇ ਨਹੀਂ ਨਾ

ਪੱਥਰ ਦਿਲ ਤੇ ਸੱਟਾਂ ਮਾਰੇ
ਪੱਥਰ ਜਾਣਾ ਭੱਜ ਤੇ ਨਹੀਂ ਨ


RYTHM INSPIRED BY
SAJJANA IH KOI GALL TE NAHI NA BY SABIR ALI SABIR